JEREMIA 51:34 - AMÜSÜH HÜM CL Bible (BSI)

³⁴ Babilon kiulongthsüpuh Nebukednezarnü I muyudo, apinü I zünakdo; apinü I akeangkeang sangdan kamshih, phuruto khülangnü nangde apinü I muyuabah; I shih-akebenü api bukthsüshih, apinü I muliuhkhita bah.

JEREMIA 51:34 Iomraidhean Croise

JOB HU H T ANYU 20:15

Apinü lakhit muyuchoh tüsho mülümkhitloa bahchoh; Thrünpuhnü api buk chingnü wukhiukshihchoh.

MUNGSHIKHÜN 74:13

Nünü nü sühmühnü keto azüshih; nünü ketobo ching keto phurutobo ku yihshak.

MÜCHITMUDU 1:12

isanü arübo arhangnü Ashe-lomi nangde tüsho alokhün ching abümnü yüzahrü nangde muyuanü;

ISAIA 34:11

Loshelo lungru tüsho athürapbe lungrunü ju müküh-a lubah; lungru ato tüsho khüyaknü ju ching asap shubah. Thrünpuhnü Edom kurungkheak neamneamruru liu tüsho thsümünimbe akeliu thoshangbah.

ISAIA 42:22

Tüshe ha mihtsürübo ahühkhi tüsho yankhia-lukhi lah, arü alala alokhünbo ching phuh-a lah tüsho rihyambo ching rama zolah; arübo shih kamdo, shenü mübekhit, arübo yankhia ludo, shenü mütha, “Tsoloshang!”

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

JEREMIA 51:49

Babilon a lomi alala laksahkhi nangde Israel laksahkhi dünkheaknü akeambah.

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

TÜZHOKHI 2:16

Nü riribo alalanü nü azhihde arü mün khimshuhchoh; arü ish thsüchoh, arünü hü mütrütchoh, arünü zhichoh: “ Isanü anihbe muyudo! Ah, ha isanü akünkhi nimung lah; akheam ching isanü ha ngüdo!”

EZEKIEL 36:3

jumonü müchitang, tüsho thaang: Atungpuh Thrünpuhnü ha thachoh: Tümütüsho arünü nüsa zhikrangkhündo kamshih, tüsho thrip alala chingnü nüsa züthünak, junangde nüsa ju aningkhi trükshihbo yamalo kam, tüsho mihtsürü bolung nüsa ju dünthamungtha tüsho jipjiprara kam;

HOSEA 8:8

Israel a muyuabah-a lah; kheakü arü akeangkeang kukruk nangde trükshih bolung lah.

AMOS 8:4

Ha aniang, nüsa müthsümülarü jungrübo, tüsho lomi ching zhochihrü ki athsümünim hande arürübo,

NAHUM 2:2

(Tümüde Atungpuhnü Jakob wüntre-müretah, Israel wüntre-müretah jihlochoh, tümüde yankhia-lurünü arübo rhoa lu tüsho akhahbo thsümünima lakheah.)

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.