JEREMIA 51:31 - AMÜSÜH HÜM CL Bible (BSI)

³¹ Alihrü khülangnü püpürü shorupü tüsho yunithsürü khülangnü püpürü shorupü, api kiuto akheamnü akheam khiungde alukhi Babilon kiulongthsüpuh ki thapü alihchoh:

JEREMIA 51:31 Iomraidhean Croise

2 KIUTHSÜYUKHEAN 30:6

Jumonü yunithsürübo Israel tüsho Juda alala ching, kiulongthsüpuh tüsho atorübo kilimnü kihümbo lubah, kiulongthsüpuh yukhüm yande yü, “O Israel mihtsürübo, Abraham, Isak, tüsho Israel Thrünpuh, Atungpuh kilim rholoang, junangde nüsa Asiria kiulongthsürübo khah chingnü atsokhit-aningkhi kilim apinü arholobah.

ESTER 8:10

Mordekainü kihümbo ju kiulongthsüpuh Zerzes mung chingnü thrüt tüsho apinü kiulongthsü mütsan yingkhümnü yüm, jurübo ju aberünü kiulongthsüpuh yo khora yam chingnü adukathri kheak binbah niokheamde hanbah yü.

ESTER 8:14

Kiulongthsüpuhnü thiyukhüm jihkhi nangde, khoraberübonü alü shande be. Thiyuzüng ju Susa kiuying ching boto ki she ahiuh.

JOB HU H T ANYU 9:25

I nimungbo a alihrü kheaknü athribe; arübo shande tsoabahchoh, arünü tümü atsü müngü.

JEREMIA 4:20

Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 50:24

O Babilon, nünü nü thsungkheak azheang zo tüshe ju nünü mümükheahde nü phuhdo; nü a yimkhit tüsho tholo, tümütüsho nünü Atungpuh azhihdo.

JEREMIA 50:43

Babilon kiulongthsüpuhnü arü yusheak sodo, tüsho api khah keahkhia lah; thsününü api ramlodo, azoberü zübechoki thsünükhi nangde lah.

JEREMIA 51:32

Kedükihhopung yandoa lah, khiukbo monü takdo, tüsho bonungrübo atrekhi ching lah.

DANIEL 5:30

Ju tsüngrenü Kaldea kiulongthsüpuh Belshazzar ju laksah.