JEREMIA 51:29 - AMÜSÜH HÜM CL Bible (BSI)

²⁹ Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

JEREMIA 51:29 Iomraidhean Croise

ISAIA 14:16

“Sherünü nü ngübanü nü kheak müzhingkihbah, tüsho nü lümakheahbah: Alomi ajanshihbuh ha mihtsürü a de, shepünü kiulongthsübo niukshihkhea,

ISAIA 24:20

Alomi ju amüshangrü nangde yingyinglah, yünshim nangde laplapchoh; amülim-rhimokhi ju kheak mülangde ajaplah, tüsho lungchoh tüsho alode masürü.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 50:13

Atungpuh bukakhiukkhinü Babilon ching she mülade zhikrangkhündo alabah; Babilon horü abannü müyinsahbah tüsho anihbe mübo alala thsungkheaknü ish thsübah.

JEREMIA 50:36

Müchitrü azhihde nukshang lah, junangde arübo makharü kambah! Anihbe thirithsürü azhihde nukshang lah, junangde arübo niuknimbah!

JEREMIA 50:43

Babilon kiulongthsüpuhnü arü yusheak sodo, tüsho api khah keahkhia lah; thsününü api ramlodo, azoberü zübechoki thsünükhi nangde lah.

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.

JEREMIA 50:46

Babilon keamkhi düsheaknü alomi ajanbah, tüsho anihbenü azhikhi düsheak trükshih bolung sobah.

JEREMIA 51:26

Amühit lung yungsho khimtan lung nü kheaknü mulu, tüshe nü a kamruhroro abahkhi labah, Atungpuhnü thachoh.

JEREMIA 51:28

Anihbe azhihde thirithsüpü trükshihbo, Midia kiulongthsübo, arü lung kovünorbo tüsho atorübo, tüsho arü yukhüm khüp lakhi lomi aban thsakhamang.

JEREMIA 51:37

tüsho Babilon ju athsümünim mujung, shirungbo yam, mihtrebe kukruk tüsho ish thsübe, mihtsürü mülade akambah.

JEREMIA 51:43

Anihbe kiutobo zhikrangkhündo, akung lomi, tüsho loshelo, she mülakhi lomi, tüsho mihtsürünü muhokhi kamdo.

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

JOEL 2:10

Arü miki alonü niukchoh, thüningbo ajanchoh. Ani tüsho khinu mitinga lah tüsho chiningbonü arü ayin tukloa lah.

AMOS 8:8

Ha dünkheaknü lominü majanba de, tüsho ju ching larü abannü mütüzhoba de, tüsho alala Nile nangde makihba de, tüsho Ijip ching mükeamyukba de?

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;