JEREMIA 51:27 - AMÜSÜH HÜM CL Bible (BSI)

²⁷ Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JEREMIA 51:27 Iomraidhean Croise

THRÜNTAN 10:3

Gomer tsührübo: Ashkenaz, Riphath, tüsho Togarma.

THRÜNTAN 8:4

Judüki khinu thüne, nimung thürükheak thünepü ching sangkung ju Ararat wung kheak keam.

2 KIULONG THSÜRÜ 19:37

Api nihbuh thrünpuh Nisrok yam ching kingaünde alachoki, atsührübo Adrammelek tüsho Sharezernü nukshangnü api laksah, tüsho ane Ararat lomi ching tsode yü. Api tsührü Esarhaddonnü api müthri.

1 KIUTHSÜYUKHEAN 1:6

Gomer tsührübo: Ashkenaz, Diphath, tüsho Togarma.

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 37:38

Apinü anihbuh thrünpuh Nisrok yam ching kingaünchoki, api tsührübo Adrammelek tüsho Sharezernü nukshangnü api laksah, tüsho ane a Ararat lomi ching tsokhiabah. Api tsührü Esarhaddonnü api müthri.

JEREMIA 25:14

Tümüde trükshih ahihdo tüsho kiulongthsürü atobo she arü azhorü kamshihbah; tüsho arü khah rhimobo yande arü ki jihlobah.

JEREMIA 46:23

Arünü anihbe murung muhokhukbe lalashe akiukheambah, Atungpuhnü thachoh, tümütüsho arübo tangkhobo kheaknü khide hihdaklah; arübo mükhebin.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

JEREMIA 51:14

Wuto Atungpuhnü aküdah thsüde thiyuchihchim. Tsükjide inü nü tangkho boto nangde mihtsürübonü amishihbah, tüsho arünü nü kurungkheak akukkhi düsheak ahobah.

JEREMIA 51:28

Anihbe azhihde thirithsüpü trükshihbo, Midia kiulongthsübo, arü lung kovünorbo tüsho atorübo, tüsho arü yukhüm khüp lakhi lomi aban thsakhamang.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

JOEL 3:9

Ha trükshih bolung zhiyukang: Thirithsüpü thsakhamang, thirithsürü thurumusuang. Bonungrü alala phünide bedarang, arü atushang.

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.

MAHKHAPRÜ 6:5

Tümüde arünü arü shiwühbo tüsho khimyambo lubah tangkhobo nangde chitthulungbah atu; tüsho arü le kemelbo mükhebin; junangde arü azahchoki alo ju thsümünimjih.