JEREMIA 51:25 - AMÜSÜH HÜM CL Bible (BSI)

²⁵ Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

JEREMIA 51:25 Iomraidhean Croise

THRÜNTAN 11:4

Tüsho arünü tha, “Arang, isanü kiuto khülang, tüsho rünchang thüning khiungde thsanü; isanü isa thsungkheak mung khülang thsanü, judü yungsho alomi alala ching isa hiumüzütabahbah.”

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

ISAIA 13:2

Awung achang kheak riphin khülang shuhkihang, arü ki achangnü zhiang; mükheahmudurü ripit ching yüzahpü arü thsungkheak nü khah ayitang.

JEREMIA 25:12

Jushu kam nerü dunglim, Babilon kiulongthsüpuh, ju trükshih tüsho Kaldearü lomi arü mülimkhi dün alomi ju lünnü zhikrangkhündo akamshihbah, Atungpuhnü thachoh.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 50:25

Atungpuhnü api thsühnuk zopung khimshuhdo, tüsho api bukakhiukkhi thsühnuk yihkhitdo, tümüde Wuto Atungpuh Thrünpuhnü Kaldearü lomi ching rhimopü khülang lah.

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.

JEREMIA 51:58

Wuto Atungpuhnü ha thachoh: Babilon chipi ato ju alo arihde akambah, tüsho anihbe chipiripit achangbo monü atakbah. Mihtsürübo akeangkeang ching khichoh, tüsho trükshihbonü mo thsungkheak lang rhimochoh.

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

ZEKARIA 4:7

Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

AMIKHEAKAKHIUKKHI 8:8

Mahnepü yunirünü api hulipungpung müt, tüsho awung ato nangde, mo trude keto ching jipyuk;