JEREMIA 51:22 - AMÜSÜH HÜM CL Bible (BSI)

²² nü hode inü athrürü tüsho aliberü yümnakchoh; nü hode inü ashinbuhrü mihtsürü tüsho athunu yümnakchoh; nü hode inü athrününgtsüng tüsho anünürü yümnakchoh;

JEREMIA 51:22 Iomraidhean Croise

2 KIUTHSÜYUKHEAN 36:17

Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

ISAIA 13:15

Shepü angükhitbanü chinkhitde adüchipbah tüsho shepü tholobanü nukshangnü akeamshihbah.

ISAIA 13:16

Arü tsührü aninibo arü mük kinü adütre kamde yihthünakbah; arü khorabo yankhia lubah, tüsho arü niuberübo thsümünimbah.

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 20:4

Asiria kiulongthsüpuhnü Ijiprü aramrü thsüde tüsho Ethiopiarü ramtsorü thsüde bede atsobah, ane chido athunu tüsho shinbeshinbuh, bünkeang tüsho jing keangkeang, kiung aleangkheaknü, Ijip kheak achih hande arübah.

JEREMIA 44:7

Tüsho kheakü Wuto Atungpuh Israel Thrünpuhnü ha thachoh: Tümüde nüsanü nüsa yuripü, Juda bolungnü nüsa maningde athrürü tüsho aliberü, azürü tüsho khungarü dükheakpü rhimocho?

JEREMIA 50:37

Anihbe khorabo tüsho khora-lolungbebo azhihde nukshang lah, tüsho anihbe bolung khiungkerü thirithsürübo azhihde lah, junangde arübo azoberü kamabah! Anihbe rahpungbo alala azhihde nukshang lah, junangde jurübo yankhia lubah!

JEREMIA 51:23

nü hode inü namfimihnu neakrü tüsho mihnu boto yümnakchoh; nü hode inü thulu-thsürü tüsho moshipungbo yümnakchoh; nü hode inü kovünorbo tüsho atorübo yümnakchoh.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

TÜZHOKHI 2:11

I mük chingnü chike kungabahdo; I mulong thsünüchoh; I mihtsürü thsümünimkhi mulong rozhakkhi hode I khia lah, tümütüsho azürübo le khungarübo kiuto kiudunglimrobo ching sheshichoh.

TÜZHOKHI 2:21

Athunu tüsho azorü kiudunglimrobo ching alo kheak yaplah; I yo athunu liberübo tüsho athunu athrürübo nukshangnü keamdo; nü bukakhiukkhi nimung ching nünü mihmüthsüm mülade arü laksahdo,

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

YUZÜNGTHALO 32:25

Wungdo phulung ching nukshangnü alaksahbah, tüsho thüyam khiungshakbo ching atrebe labah, athrününgtsüng tüsho anünürü chido, niuhdukrü khungarü, kubuyukkhi mihtsürübo dükheakshihbah.

1 SAMUEL 15:3

Kheakü yüang tüsho Amalekrü yanabahang, tüsho arü lakhi alala thsümünimjang; arübo daningshih, tüsho athrürü tüsho aliberü, azürü tüsho khungarü, moshipung tüsho namfimihnu, kemel tüsho donkibo laksahang.’ ”