JEREMIA 51:21 - AMÜSÜH HÜM CL Bible (BSI)

²¹ nü hode inü khorabo tüsho ju kheak binrü yümnakchoh; nü hode inü khora-lolungbe tüsho aberü yümnakchoh;

JEREMIA 51:21 Iomraidhean Croise

MUNGSHIKHÜN 46:9

Apinü alomiküp alala ching thirithsü tukloshihchoh; apinü sanglüh yihshakchoh, thsühbo thsümünimchoh tüsho monü tsungbo takchoh.

MUNGSHIKHÜN 76:6

O Jakob Thrünpuh, nünü athürühkhinü khorabo tüsho khoraberü chido shea yaplah.

ABEKHIT 15:1

Judüki Mosa tüsho Israelrünü ha khün thsü, “Inü Atungpuh ki khün thsübah tümüde apinü müretahde akuk ngüdo; khora tüsho api kheak binrü keto ching jipa yüzahshih.

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

ABEKHIT 15:4

“Pharao khora-lolungbebo tüsho api bonungrü apinü keto ching jipyuk; tüsho amokhitkhi api torübo Amürüm Keto ching thüraksah.

ISAIA 43:17

Shepünü khora-lolungbe tüsho khora bekhitcho, bonungrü tüsho thirithsürü; arü yaplah, arü masürükhuk, arübo zümüta lah, moke-liu nangde kunga lah:

JEREMIA 50:37

Anihbe khorabo tüsho khora-lolungbebo azhihde nukshang lah, tüsho anihbe bolung khiungkerü thirithsürübo azhihde lah, junangde arübo azoberü kamabah! Anihbe rahpungbo alala azhihde nukshang lah, junangde jurübo yankhia lubah!

EZEKIEL 39:20

I dükhüm kheak, nüsa khorabo tüsho aberü, thirithsü mihtsürü tüsho bonungrü mungji aban bukmüthsüyi khiungde atsühbah, Atungpuh Thrünpuhnü thachoh.

MIKA 5:10

Atungpuhnü thachoh, ju nimung ching inü nüsa khorabo tüsho khora-lolungbebo nüsa bolungnü akheamshihbah;

NAHUM 2:13

Kheahang, inü nü azhihde lah, Wuto Atungpuhnü thachoh, tüsho inü nü khora-lolungbebo mokhüh alükde atakbah, tüsho nukshangnü nü yo kekhüzü nunubo muyubah; inü nü shih alomi chingnü akheamshihbah, tüsho nü yunithsürü düsheak musolo.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

ZEKARIA 10:5

Arü thsürubah keochih ching thirithsürü nangde, kiudunglimrobo akhimniuhniuh ching thiriri thrümbah; arünü keochihbah, tümüde Atungpuh arü lung lah, tüsho arünü khora kheak binrübo achih ngüshihbah.

ZEKARIA 12:4

Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

AMIKHEAKAKHIUKKHI 19:18

kiulongthsürübo shih, wühkenorübo shih, mungkhung mihtsürübo shih, khorabo le aberübo shih, tüsho mihtsürü alala shih tsühpü zuzu tüsho azhorü, anini tüsho ato.”