JEREMIA 51:11 - AMÜSÜH HÜM CL Bible (BSI)

¹¹ Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

JEREMIA 51:11 Iomraidhean Croise

1 KIULONG THSÜRÜ 11:14

Judüki Atungpuhnü Solomon azhihde, Edomrü Hadad tuthsukmusu; api ju Edom ching kiulongthsü yamkhün lakheah.

1 KIULONG THSÜRÜ 11:23

Solomon azhihrü püpü Eliada tsührü Rezon Thrünpuhnü akhiukshih, api ju nihbuh putungrü Zoba kiulongthsüpuh Hadadezer kheaknü atsokheah.

1 KIUTHSÜYUKHEAN 5:26

Jumonü Israel Thrünpuhnü Asiria kiulongthsüpuh me (Tiglath-pileser) thurumusujih, tüsho apinü Reubenrü, Gadrü, tüsho Manase trük chamkhüh Hala, Habor, Hara, tüsho Gozan ayung ching hande yünü kamruhroro laabahshih.

2 KIUTHSÜYUKHEAN 36:22

Persia kiulongthsüpuh Sairus kam akhuhbe ching, Jeremianü athakhi Atungpuh yu dünjipü thsungkheaknü, Atungpuhnü Persia kiulongthsüpuh Sairus me thurumusu, junangde apinü anihbuh kiulongthsü alala ching yunithsürü khülang yüshih tüsho athrütkhi yukhüm chingnü she thari:

EZRA 1:1

Sairusnü Persia kiulongthsükhi akhuhbe kam ching, Jeremia mün hode Atungpuh yu dünjishihpü thsüde, Atungpuhnü Persia kiulongthsüpuh Sairus me tuthsukmusu tüsho api kiulongthsü bukkhüp lomi alala ching thrüta zhiyukshihpü tha:

ISAIA 10:26

Wuto Atungpuhnü Oreb Lungto kheak Midiarü shikkhi nangde arü azhihde rhaptso shuhkihbah; api shitso keto mikheak labah, tüsho Ijip ching rhimokhi nangde apinü ashuhkihbah.

ISAIA 21:2

I ki michih amuthsuk thaa lah; mülapyukrünü mülapyukchoh, tüsho athsümünimrünü thsümünimchoh. Wutuang, O Elam, yandoang, O Midia; anihbenü thsünüshihkhi alala inü akheam thsüshihbah.

ISAIA 21:5

Arünü dükhüm kheanga zochoh, arünü sangbün-nüpnüp khima zochoh, arünü tsühchoh, arünü yungchoh. Asürang, limthorübo, tsungbo müdangke lünang!

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 46:11

aniakhiuklimnü shihtsüh wuhnu khülang, I lümkhi thsungkheak limshu lomi chingnü mihtsürü khülang jichoh. Inü asukdo, tüsho ha dünjibah; inü lümkhi thsüdo, tüsho ju arhimobah.

JEREMIA 25:25

Zimri kiulongthsürü alala, Elam kiulongthsürü alala, tüsho Midia kiulongthsürü alala;

JEREMIA 46:3

Nüsa tsungbo thsakhamang tüsho keochihpü mikhuh yüang!

JEREMIA 46:4

Khorabo rhükang; jurü kheak yükihang! Treangkhümbe yihbah nüsa zhippung mükühang, nüsa thsühbo phekhitang, nüsa thirithsü zülu yihang!

JEREMIA 46:9

Mikhuh yüang, O khorabo, tüsho yingyingde alihang, O khora-lolungbebo! Thirithsürübo mikhuh yüshang: Tsung shuhrü Ethiopia tüsho Put, sanglüh hünkihrü Ludim,

JEREMIA 50:25

Atungpuhnü api thsühnuk zopung khimshuhdo, tüsho api bukakhiukkhi thsühnuk yihkhitdo, tümüde Wuto Atungpuh Thrünpuhnü Kaldearü lomi ching rhimopü khülang lah.

JEREMIA 50:3

Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

JEREMIA 51:24

Zion ching arünü nüsa kheak amülim rhimokhi alala dünkheaknü nüsa mük kinü inü Babilon tüsho Kaldearü ki jihlobah, Atungpuhnü thachoh.

JEREMIA 51:35

Zion ching larünü athabah, “ I shih thsümünimkhi ju Babilon kheak yükihshang.” Jirusalemnü athabah, “ I thiyih ju Kaldea ching larü kheak yükihshang.”

JEREMIA 51:36

Jumonü Atungpuhnü ha thachoh: Inü nü tsunglobah tüsho nü thsungkheak royimbah. Inü anihbe kebo ngahshihbah tüsho kenü kungshihbah;

DANIEL 5:30

Ju tsüngrenü Kaldea kiulongthsüpuh Belshazzar ju laksah.

JOEL 3:10

Nüsa wuhbonü nukshangbo kingang, tüsho nüsa wuhyakbonü thsühbo kingang; aliuhrünü thashang, “ I thirithsürü ah.”

JOEL 3:9

Ha trükshih bolung zhiyukang: Thirithsüpü thsakhamang, thirithsürü thurumusuang. Bonungrü alala phünide bedarang, arü atushang.

LEVI 26:25

Nüsanü I kheak tangzüngkhi thsümünimkhi royimlopü inü nüsa kheak nukshang handarübah, tüsho nüsanü nüsa kiutobo ching yüsho, inü nüsa bolung arüm arüshihbah, tüsho nüsa riribo khah ching yüzahshihbah.

ZEKARIA 14:12

Ha Jirusalem azhihde thirithsürü mihtsürü alala kheak Atungpuhnü ashikpü arüm-tukthsü lah: arü jing kihde alachoki arü yin shuhbah; arü mükbo tüsho arü mulobo shuhabahbah.

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.