JEREMIA 51:10 - AMÜSÜH HÜM CL Bible (BSI)

¹⁰ Atungpuhnü isa thiyuro handarüdo; arang, isanü Atungpuh isa Thrünpuh rhimo Zion ching thaanü.

JEREMIA 51:10 Iomraidhean Croise

MUNGSHIKHÜN 118:17

I müshe, tüshe arang labah, tüsho Atungpuh rhimobo khipkhitchoh.

MUNGSHIKHÜN 37:6

Apinü nü alim mütsankhi ayin nangde, tüsho nü alim animuro nangde hande arübah.

MUNGSHIKHÜN 64:9

Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

MUNGSHIKHÜN 66:16

Nüsa Thrünpuh trerü alala, arang tüsho aniang, tüsho apinü I me thsungkheak tümü rhimoa lanü inü athabah.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

ISAIA 24:14

Arünü arü düsheak shuhkihchoh, arünü asühde khün thsüchoh; arünü aniyüzahlimnü Atungpuh wüntre-müretah dünkheak zhichoh.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 50:45

Jumonü Atungpuhnü Babilon tüsho Kaldearü lomi azhihde apinü lümkhi thsükhi aniang: Tsükjide mihnu nunubo yanyuka bahbah; apinü arü dünkheaknü arü rimlopung shahde thsümünimbah.