JEREMIA 51:1 - AMÜSÜH HÜM CL Bible (BSI)

¹ Atungpuhnü ha thachoh: Inü Babilon azhihde tüsho Lebqamai ching larü azhihde athsümünimbe apung rhumusupü lah;

JEREMIA 51:1 Iomraidhean Croise

2 KIULONG THSÜRÜ 19:7

Inü me khülang api kheak yukjihbah, junangde apinü neamneamrurukhi sobah tüsho anihbuh lomi lim yülobah; anihbuh lomi ching inü api nukshangnü akeamshihbah.’ ”

MUNGSHIKHÜN 137:8

O Babilon tsührübe, shepü athsümünimpü akhua la, nünü isa ki rhimokhi thsungkheak shepünü nü ki jihlobanü asühpü.

ISAIA 13:13

Jumonü Wuto Atungpuh müshakde abukakhiukkhi nimung ching inü thüningbo ajanshihbah, tüsho alomi ju ayappung kheaknü aniukshihbah.

ISAIA 14:14

inü amo kumung kheak yükihbah, inü I küdah thsüde Khide Achang kamshihbah.

ISAIA 21:1

Keto sunglo dünkheak müchityu. Negeb ching chitmühean yünkhi nangde, ha loshelo chingnü, atrebe lomi khülang chingnü arüchoh.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

JEREMIA 49:36

tüsho inü thüning thrip phüyi chingnü Elam kheak apung handarübah; tüsho inü harü apungbo ching arübo müzütshihbah, tüsho Elam chingnü ramtso müyükhi trükshih khülang she mülade müthsü.

JEREMIA 50:21

Merathaim lomi lim wutuang; anihbe azhihde wutuang, tüsho Pekod ching larü yanang tüsho shahde arü dükheakshang, Atungpuhnü thachoh; inü nü ki thiyukhüm jihkhi alala rhimoang.

JEREMIA 50:24

O Babilon, nünü nü thsungkheak azheang zo tüshe ju nünü mümükheahde nü phuhdo; nü a yimkhit tüsho tholo, tümütüsho nünü Atungpuh azhihdo.

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

JEREMIA 50:33

Wuto Atungpuhnü ha thachoh: Israel mihtsürü tüsho Juda mihtsürü junoa lah; arü ramrü alalanü arü düngde tholodo tüsho mütsoshih.

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

JEREMIA 51:53

Babilonnü thüning lim yükihkih she, tüsho anihbenü chipi changde ayünyün she, I kilimnü athsümünimrü anihbe kheak arübah, Atungpuhnü thachoh.

JEREMIA 51:60

Babilon kheak arüpü lakhi thsümütsü alala, Babilon dünkheak thrütkhi yubo alala Jeremianü küpqiu kheak thrüt.

EZEKIEL 19:12

Tüshe ju bukmüshakkhi ching rukkhit tüsho alo ching bah. Aniakhiuklim pungnü aso ju yünmukuhabah, akhah adüküngbo yünshaka sheshih tüsho monü aniuabah.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”