JEREMIA 50:6 - AMÜSÜH HÜM CL Bible (BSI)

⁶ I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

JEREMIA 50:6 Iomraidhean Croise

MUNGSHIKHÜN 116:7

Nü sühakhim lim rholoang, O I me, tümüde Atungpuhnü nü ki tsüde rhimodo.

MUNGSHIKHÜN 119:176

I adükheakkhi namfimihnu nangde tsokhido; nü yamlarü yimang, tümüde inü nü yukhümbo mümih.

MUNGSHIKHÜN 23:2

Apinü I rimlopungbo aphüyak ching yapshihchoh; apinü I maphapkhi ke yean bechoh.

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 90:1

Atungpuh , lünbo alala ching nü isa lapung lakheah.

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

ISAIA 1:3

Moshipungnü atungrü mükheahlah, tüsho donkinü aputungrünü yimkippung mükheahlah; tüshe Israelnü mümükheah, I mihtsürünü manikhit.

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

JEREMIA 10:21

Tümüde namfimihnu neakrübo makhalah tüsho Atungpuh müyim; jumonü arü mümüngüh tüsho arü mihnu alala hiumüzüta lah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 2:20

Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 2:32

Anünürü khülangnü anihbe zülu yungsho arhangrü khülangnü anihbe thüniokhimmih mihba de? Tütüshe I mihtsürünü mükhebinbe nimungbo I mihabahdo.

JEREMIA 23:1

Yakzanshuhrü shepünü api mihtsürü thsümünimcho tüsho yanmüzütchonü are! Atungpuhnü thachoh.

JEREMIA 3:23

Tsükjide awung mujuk tüsho awungbo kheak sangthsü kingaünde asühkhi ju akeangkeang lah. Tsükjide Atungpuh isa Thrünpuh lung Israel akhümkhit lah.

JEREMIA 3:6

Kiulongthsüpuh Josia nimungbo ching Atungpuhnü I ki tha: Anihbenü arhimokhi nünü ngünah, akin mülakhi khülang, Israel, künangde anihbenü awung aban yükihkhea tüsho sangdung phüyak aban khüp müzammüram rhimokhea?

JEREMIA 33:12

Wuto Atungpuhnü ha thachoh: Mihtsürü tüsho shiwüh mülakhi ha dangpung ching, tüsho kiuto alala ching kheaküshe mihnu neakrübonü arü mihnubo yimkippung rimlopung labah.

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 50:19

Inü rimlopung ching Israel belodarübah tüsho Karmel kheak le Bashan ching yimtsühshihbah, tüsho Ephraim wungbo kheak Gilead ching apinü akünkhi reangkeambah.

EZEKIEL 13:10

Tümütüsho arünü I mihtsürü bephülapde mungtsü mülachoki, “Mungtsü” de thachoh, tüsho chipi niukniukde athsüchoki arünü ju amüyenü mujudo.

EZEKIEL 34:14

Inü rimkiu atsü arü kipbah, tüsho Israel müzüng achangbo ju arü yimtsühpung thsübah; ju ching arünü yimtsühpung lo atsü ching yapbah, tüsho arünü Israel wungbo rimlopung dangpheang kheak yimtsühbah.

EZEKIEL 34:15

I yo namfimihnubo thsungkheaknü I namfimihnu neakrü thsübah, tüsho inü arübo yapshihbah, AtungpuhThrünpuhnü thachoh.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

MATHI 10:6

Tüshe ju müthri Israel yamkhün dükheaka lakhi namfimihnubo kilim yüang.

MATHI 15:24

Tüshe apinü alo, “I adükheakkhi Israel namfimihnu kilim lang thiyia arüshihkheah.”

MATHI 9:36

Küyimki apinü botobo ngükhea, apinü arü muzhode lüm, tümütüsho arübo aneakrü mülakhi namfimihnubo nangde thsümütsüde tüsho arungrü mülade alakheah.

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.