JEREMIA 50:5 - AMÜSÜH HÜM CL Bible (BSI)

⁵ Arünü Zion limro keokhibah, tüsho ju lim arü miro anguhbah tüsho arünü küyimkishe mümihbe akheam müla tangzüng hode A TU N GPU H kilim arübah tüsho arihbah.

JEREMIA 50:5 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

2 SAMUEL 23:5

I yam Thrünpuh lung müla de? Tümüde apinü I kheak lün yo tangzüngdo, lüpdükhi akhinashu thsüde tüsho kümdoa zojih. Apinü I yihnüpü tüsho inü akünkhi akuk müngüshihba de?

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 19:14

Apinü alo, “Wuto Thrünpuh, Atungpuh thsungkheak I khide künsahde alakheah: tümüde Israelrünü nünü tangzüngkhi bahyukbah nü yo kingaün sadam lukkheama bahdo, tüsho nukshangnü nü yo wukihrübo laksahkhamdo. I lang aninga lah, tüsho arünü I laksahpü yimchoh.”

MUNGSHIKHÜN 84:7

Arübo sühmüh lade yüchoh; arü mihbüm abannü Zion ching Thrünpuh miki yüchoh.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 31:21

Nü thsungkheak limro-mütsan khimang, nünü lim-huhdung zhipshang; nü yükhi limro küpü limtoanü mütsanang. Rholoang, O atsangkhit Israel, nü kiutobo harü ching alodarang.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 32:40

Inü arü ki küyimkishe atsü rhimokhi mutuklopü akheam müla tangzüng khülang thsübah; tüsho arü mulong ching I trepü inü ayukjihbah, junangde arübo I kheaknü müchamachih.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

EZEKIEL 16:61

Judüki nünü nü chi pürü nü kheaknü azopü tüsho akheambe nünü leangkhichoki nünü nü limrobo lümkhitbah tüsho achih ngübah. Inü arübo nü kilim tsührübebo nangde ajihbah, tüshe inü nü kheak tangzüngkhi yande yung.

EZEKIEL 37:22

Inü Israel müzüngbo kheak, lomi ching arübo trükshih khülang kamshihbah; tüsho arü alala kurungkheak yakzan shuhpü kiulongthsürü khülang labah. Küyimkishe arü trükshih mahne müla, tüsho küyimkishe arü kiulongthsü mahne mücham.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

2 KORINT 8:5

Tüsho arünü ha isanü alümkhi nangde arhimokhi yung, tüshe akhuhde arü küdah thsüde Atungpuh kilim, tüsho jushu Thrünpuh lümkhi yande isa kilim jih.