JEREMIA 50:46 - AMÜSÜH HÜM CL Bible (BSI)

⁴⁶ Babilon keamkhi düsheaknü alomi ajanbah, tüsho anihbenü azhikhi düsheak trükshih bolung sobah.

JEREMIA 50:46 Iomraidhean Croise

ISAIA 15:5

I mulongnü Moab thsungkheak tripchoh; anihbe mihtsürü Zoar ching, Eglath-shelishiya ching tsodo. Tümüde Luhith mutuh kheak arü tripde wutuchoh; Horonaim limro ching arünü athsümünimkhi dünkheak zhichoh;

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 46:12

Trükshihbonü nü achihkhi sodo tüsho nünü azhikhinü alomi milah; tümüde thirithsürünü thirithsürü kheak jing mükhedo; ane chido rüpde lungdo.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 49:21

Arü keamkhi düsheaknü alomi ajanbah; akhungkhi düsheak Amürüm Keto ching sobah.

JEREMIA 51:29

Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

JEREMIA 51:54

Babilon chingnü azhikhi, Kaldearü lomi chingnü alanajikhi ato aniang!

EZEKIEL 26:18

Kheakü nü keamkhi nimung keyean lobo ajanchoh; nü thsümünimkhi kheak keto yean lomibonü müyinsahchoh.

EZEKIEL 27:28

Nü sangkung berü zhikhi düsheaknü lomibo ajanchoh,

EZEKIEL 31:16

Inü alokhün ching yüzahrü lung Ashelomi ching nimyukchoki, akeamkhi düsheaknü trükshihbo ajanbah; tüsho Eden sangdungbo alala Lebanon ching mokhitkhi tüsho atsüdak ke duhkhi alala Ashe-lomi ching shukheambah.

EZEKIEL 32:10

Inü mihtsürü ahihdo nü kheak müyinsahshihbah; arü kiulongthsürübo nü dünkheaknü ajanbah. Küyimki inü arü miki I nukshang phürapbanü, arü mihbüm abannü nihbuh rhangdung thsungkheak kim abande nü keam nimung ajanbah.