JEREMIA 50:42 - AMÜSÜH HÜM CL Bible (BSI)

⁴² Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

JEREMIA 50:42 Iomraidhean Croise

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 74:20

Tangzüngkhi wüntre jihang; tümüde alomi amiting dangpungbo athsümünimnü milah.

ISAIA 14:6

küpünü bukakhiukkhi ching mutuklode mihtsürübo shika lungshihkhea, küpünü bukakhiukkhi ching trükshihbo yakzan shuhde mihmuzho mülakhi thsümüchikhea.

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 47:3

Api khorapungbo biuo jungkhi düsheaknü, api khora-lolungbe truktrukkhinü, arü lolungbe-jing düsheaknü, tsührübo rungpü berübuhrü malodarü, arü khahbo khide kika lah,

JEREMIA 50:14

Babilon mükamde nüsa sanglüh hünkihrü alala zhippung thsakhamang; anihbe kheak kipang, hühzobo daningshih, tümüde anihbenü Atungpuh azhihde neak yihbeakdo.

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

EZEKIEL 26:3

Jumonü, Atungpuh Thrünpuhnü ha thachoh: Kheahang, inü nü azhihde lah, O Tair! Inü nü azhihde trükshih ahihdo, ketonü abükde arükhi nangde bedarübah.

JOEL 2:5

Khora-lolungbebonü atruktrukkhi nangde, arünü müzüng mujukbo kheak jukchoh, motrunü reapreapde sünit aniukhi nangde, wulakhi bonungrü nangde keochihpü shihkhin thsüchoh.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!