JEREMIA 50:4 - AMÜSÜH HÜM CL Bible (BSI)

⁴ Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

JEREMIA 50:4 Iomraidhean Croise

2 KIUTHSÜYUKHEAN 7:14

I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

MUNGSHIKHÜN 105:4

Atungpuh tüsho api sühmüh yimang; kamruhroro api miro yimang.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 45:19

Inü amiting lomi ching ramde masuk, inü Jakob tsührü ki mütha, “Akeangkeang ching I yimang.” I Atungpuhnü thiyuro asukchoh, inü alungki thachoh.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

ISAIA 63:4

Tümüde royimkhi nimung I mulong ching lakheah, tüsho inü rhokhitpü kam arüdo.

JEREMIA 31:31

Atungpuhnü thachoh, Israel yamkhün tüsho Juda yamkhün kheak inü tangzüng aso thsüpü nimungbo tsükjide arado.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

JEREMIA 41:6

Tüsho Nethania tsührü Ishmaelnü Mizpa chingnü arü shorupü tripde wukhiuk. Apinü arü shorubah arü ki tha, “Ahikam tsührü Gedalia kilim arang.”

EZEKIEL 16:61

Judüki nünü nü chi pürü nü kheaknü azopü tüsho akheambe nünü leangkhichoki nünü nü limrobo lümkhitbah tüsho achih ngübah. Inü arübo nü kilim tsührübebo nangde ajihbah, tüshe inü nü kheak tangzüngkhi yande yung.

EZEKIEL 39:25

Jumonü Atungpuh Thrünpuhnü ha thachoh: Kheakü inü Jakob kuhi jihlobah, tüsho Israel yamkhün athrünkhi kheak mihmüthsüm labah; tüsho inü I mung amüsüh kümdobah.

HOSEA 1:11

Juda mihtsürü tüsho Israel mihtsürü rukhüh mukhungbah, tüsho arünü arü thsungkheak limberü khülang mokhitbah; tüsho arünü alo müküh-a lubah, tümüde Jezreel nimung ju ato labah.

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

JAKOB 4:9

Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.