JEREMIA 50:36 - AMÜSÜH HÜM CL Bible (BSI)

³⁶ Müchitrü azhihde nukshang lah, junangde arübo makharü kambah! Anihbe thirithsürü azhihde nukshang lah, junangde arübo niuknimbah!

JEREMIA 50:36 Iomraidhean Croise

2 SAMUEL 15:31

Ahithophel she aram-asukachihkhi lung belah de David ki tha. Tüsho Davidnü tha, “O Atungpuh , inü nü ki tamkhüntamnüchoh, Ahithophel athsunganahkhi ju makhashang.”

2 SAMUEL 17:14

Absalom tüsho Israel mihtsürü alalanü tha, “Arkrü Hushainü athsunganahkhi ju Ahithophel athsunganahkhi kheaknü atsübe ah.”

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

ISAIA 43:14

Nü Rhokhitrü Israel Amüsüh Thrünpuh Atungpuhnü thachoh: Nü dünkheaknü inü bonungrü Babilon ching yüshihbah tüsho sangkaplakbo alala yihshakbah, tüsho Kaldearü ahokhi ju atüzhokhi kambah.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

JEREMIA 48:30

Inü api bukakhiukkhi mükheahlah, Atungpuhnü thachoh; api kükheangkhi amülim, api rhimobo amülim.

JEREMIA 49:22

Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 50:30

Jumonü anihbe yo athrününgtsüngbo anihbe kiudunglimrobo ching keambah, tüsho anihbe bonungrü alala ju nimung dükheakbah, Atungpuhnü thachoh.

JEREMIA 51:23

nü hode inü namfimihnu neakrü tüsho mihnu boto yümnakchoh; nü hode inü thulu-thsürü tüsho moshipungbo yümnakchoh; nü hode inü kovünorbo tüsho atorübo yümnakchoh.

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

JEREMIA 51:32

Kedükihhopung yandoa lah, khiukbo monü takdo, tüsho bonungrübo atrekhi ching lah.

NAHUM 2:8

Nineve ju ke bukkhita bahkhi kekung nangde lah. “Tukloang! Tukloang!” de alanchoh– tüshe she murholo.

NAHUM 3:13

Nü rithsürübo kheahang: arübo azoberü nangde lah, nü lomi chipiripitbo nü riribo kilim khimshuhmülih-a lah; nü chipiripit rihbebo monü aniuabahdo.

NAHUM 3:7

Judüki nü ngürü alalanü nü kheaknü arholobah tüsho athabah, “ Nineve thsümünima lah; shepünü anihbe lümrhihba?” Nü shukheamrü inü küchingnü ayimba?

1 TIMOTHI 4:2

Hadürü thsangyukhibo ju yinchi takmürümkhinü athsahkhi nangde arü lümkhibo shekhirü akeangyu tharü hode bushihchoh.

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.