JEREMIA 50:35 - AMÜSÜH HÜM CL Bible (BSI)

³⁵ Kaldearü tüsho Babilon ching larü azhihde, tüsho anihbe torübo tüsho lümlung larü azhihde nukshang khülang lah, Atungpuhnü thachoh!

JEREMIA 50:35 Iomraidhean Croise

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

ISAIA 44:25

Shepünü akeangyu dünjipü müchitkhi yandoabahcho, tüsho kuhi-kheahrü makharü kamshihcho; shepünü lümlung larü rholoshihcho, tüsho arü mükheahmudu abünrü kamshih;

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

ISAIA 66:16

Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 47:6

Ah, Atungpuh nukshang! Nü sühakhim müla khiungde külokhüh laba? Nüsa nuktrüp ching yukloang, tukloang tüsho sühakhimang!

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

JEREMIA 50:30

Jumonü anihbe yo athrününgtsüngbo anihbe kiudunglimrobo ching keambah, tüsho anihbe bonungrü alala ju nimung dükheakbah, Atungpuhnü thachoh.

JEREMIA 51:39

Küyimki arü mulong phurubanü, inü arü yungbe zojihbah tüsho arübo masühyi khiungde müshangshihbah tüsho kamruhroro yapshihbah tüsho küyimkishe müyihmusu, Atungpuhnü thachoh.

JEREMIA 51:47

Tsükjide inü Babilon mejakbo thsümüchipü kim arüchoh; anihbe lomi abümnü achih ngübah, tüsho alaksahkhi alala anihbe bolung labah.

JEREMIA 51:57

Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

EZEKIEL 14:2

Judüki Atungpuh yu I ki arü:

DANIEL 5:30

Ju tsüngrenü Kaldea kiulongthsüpuh Belshazzar ju laksah.

HOSEA 11:6

Nukshangbo arü kiutobo ching phürapbah, arü chipiripit rihbebo thsümünimbah tüsho arü lümkhi akheam thsüshihbah.

LEVI 26:25

Nüsanü I kheak tangzüngkhi thsümünimkhi royimlopü inü nüsa kheak nukshang handarübah, tüsho nüsanü nüsa kiutobo ching yüsho, inü nüsa bolung arüm arüshihbah, tüsho nüsa riribo khah ching yüzahshihbah.

ZEKARIA 11:17

Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!