JEREMIA 50:34 - AMÜSÜH HÜM CL Bible (BSI)

³⁴ Arü Rhokhitbuh sühmüh lah; Wuto Atungpuh ju api mung. Apinü tsükjide arü dünkheak müküpde azhipbah, junangde apinü aningkhi lomi kilim sühakhim jihbah, tüshe Babilon ching larü kilim sühakhim mülakhi jihbah.

JEREMIA 50:34 Iomraidhean Croise

2 KIUTHSÜYUKHEAN 6:39

judüki nü lapung yinmi chingnü arü tamkhüntamnü tüsho arü mushukhi sojang, arü thsungkheak rhimojang tüsho nü azhihde neak yihbeakrü nü mihtsürübo neak bahjang.

JOB HU H T ANYU 19:25

Tümüde I Rhokhitrü rhangdung lah de inü mükheahlah tüsho akheam ching api alomi kheak zhipbah;

MUNGSHIKHÜN 35:1

O Atungpuh , I azhihrü kheak azhihang; I bede keochihrü kheak keochihang.

MUNGSHIKHÜN 43:1

O Thrünpuh, I thiyuro mütsanjang, tüsho amükinrü azhihde I dünkheak tsungdojang; O, akeangyu tharü tüsho thiyuro mülakhi mihtsürü kheaknü I bekhitang.

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

MÜCHITMUDU 22:23

tümüde Atungpuhnü arü dünkheak atsangbah tüsho sherünü arü yankhia luchonü yankhia lubah.

MÜCHITMUDU 23:11

tümüde arü Tsungdorü amürang lah; apinü arü dünkheak nü azhihde atsangbah.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 43:14

Nü Rhokhitrü Israel Amüsüh Thrünpuh Atungpuhnü thachoh: Nü dünkheaknü inü bonungrü Babilon ching yüshihbah tüsho sangkaplakbo alala yihshakbah, tüsho Kaldearü ahokhi ju atüzhokhi kambah.

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 51:22

Wuto Atungpuhnü ha thachoh, nü Thrünpuh shepünü api mihtsürü dünkheak mushujihcho: Kheahang, nü khah chingnü amüshangbe pung inü ludo; nünü kheaküa I bukakhiukkhi lakuk chingnü mütründe muyung.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 15:21

Inü nü mihbukmuyuk khah chingnü bekhitbah, tüsho mihmukhiuh khah chingnü rhokhitbah.

JEREMIA 30:20

Arü tsührübo adüso nimung ching nangde alabah, I miki arü boto tankih-a labah; tüsho arü junorü alala inü thsümüchibah.

JEREMIA 31:11

Tümüde Atungpuhnü Jakob mah shakjih, tüsho khah amüküp chingnü api rhokhit.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

JEREMIA 32:18

Nünü chithürü lün ki muzhodakde huh, tüshe berübuhrü neakbo arü tsührübo khüh kheak zojih, O ato tüsho Wuto Thrünpuh, shepü mung Wuto Atungpuh la,

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

JEREMIA 51:19

Jakob Thrünpuh a harü ruk yung, tümüde kukruk alala kamkhitshihkhi ju api ah, tüsho Israel ju api yamrüplurüp trük lah; Wuto Atungpuh ju api mung.

JEREMIA 51:36

Jumonü Atungpuhnü ha thachoh: Inü nü tsunglobah tüsho nü thsungkheak royimbah. Inü anihbe kebo ngahshihbah tüsho kenü kungshihbah;

TÜZHOKHI 3:58

Nünü I dünkheak mushudo, O Atungpuh , nünü I rhangdung rhokhitdo.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

MIKA 4:10

O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

AMIKHEAKAKHIUKKHI 18:8

Jumonü anihbe arümbo, tukthsübo, tüzhopü tüsho khümzung nimungkhühnü arübah, tüsho anihbe monü aniuabahbah; tümüde anihbe mahkhapbuh ju Atungpuh Thrünpuh wuto ah.”