JEREMIA 50:3 - AMÜSÜH HÜM CL Bible (BSI)

³ Tümüde dukulimnü trükshih khülang anihbe azhihde arübah; junü anihbe lomi zhikshihbah, tüsho ju ching she müla; mihtsürü tüsho shiwühbo chido tsoabahbah.

JEREMIA 50:3 Iomraidhean Croise

THRÜNTAN 6:7

Jumonü Atungpuhnü tha, “Inü athrünkhi mihtsürü tüsho shiwüh, alo ching tsahbe lorilokobo tüsho thüning wuhnubo alomi chingnü adükheakshihbah, tümüde inü arü thrünkhi lakshi thsüdo.”

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ISAIA 41:25

Inü khülang dukulim thurumusudo, tüsho api arüdo, aniakhiuklimnü I mung chingnü jido. Apinü yakzanshuhrübo kheak loyi kheak nangde, phühdamrünü alo damkhi nangde ajungbah.

ISAIA 45:1

Ha Atungpuhnü apinü mujude-mokhitkhi ki thachoh, shepü khah tsülim inü ramlola, api müngüh trükshihbo kukshihpü tüsho kiulongthsürübo zülu thokhipü, api müngüh khimdopü khimshuhpü– tüsho chipiripitbo mürih:

JEREMIA 21:6

Tüsho inü ha kiuto ching larü, mihtsürü tüsho shiwüh chido laksahbah; arübo tukthsü amütsünü ashebah.

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

JEREMIA 51:11

Hühzobo züang! Tsungbo thsakhamang! Atungpuhnü Midia kiulongthsürübo me thurumusudo, tümütüsho Babilon dünkheak api lümkhi ju athsümünimpü lah, tümüde ju Atungpuh royimkhi, api arüngyam royimkhi lah.

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

JEREMIA 51:62

tüsho thaang, ‘ O Atungpuh , nünü ha dangpung ching mihtsürü yungsho shiwüh mülapü thsüde athsümünimpü müzündo, tüsho ha lünnü azhikkhi labah.’

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

JEREMIA 9:10

Awungbo thsungkheak trippü tankihang tüsho tüzhoang, tüsho sunglo rim thsungkheak lungriang, tümütüsho arübo thsümünima yaplah, junangde shenü mütsahho, tüsho moshi khungkhi muso; thüning wuhnubo tüsho shiwühbo chidonü alapde tsoabahdo.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

ZEPHANIA 1:3

Inü mihtsürübo tüsho shiwühbo phüta bahbah; inü thüning wuhnubo tüsho keto ngühbo phüta bahbah. Inü mihbukmuyuk jing mükheshihbah. Inü mihtsürübo alomi chingnü akheamshihbah, Atungpuhnü thachoh.