JEREMIA 50:27 - AMÜSÜH HÜM CL Bible (BSI)

²⁷ Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

JEREMIA 50:27 Iomraidhean Croise

JOB HU H T ANYU 18:20

Aniyüzahlimrünü api kheak müyinsahdo, tüsho mihtrebenü aniakhiuklimrü ramchoh.

MUNGSHIKHÜN 22:12

Moshipung ahihdonü I mühidoa lah; Bashan moshipung amürangbonü I mükamdoa lah.

MUNGSHIKHÜN 37:13

Atungpuh nü api ki münejihchoh, tümüde anihbuh nimung arükhi apinü ngüchoh.

ISAIA 21:12

Aheangbuhnü tha: “ Yapsu arüchoh, tüsho azhing she arüchoh. Nünü akeokhipü lasho, keokhiang; alode arang.”

ISAIA 34:6

Atungpuh nukshang khülang lah; ha thiyih shitkih-a lah, namfimihnu tüsho mihnu thiyihbonü, namfimihnupung mügei müdangnü mujukihlah. Tümüde Atungpuhnü Bozra ching shuhmülanga jihkhi lah, Edom lomi ching alaksahkhi ato lah.

ISAIA 34:7

Tüsho mütüm moshipungbo, moshi anunu tüsho moshi atoto arü lung keambah. Arü lomi thiyihnü apangkhitbah, tüsho arü lo amüdangnü alüpdobah.

JEREMIA 12:3

O Atungpuh , tüshe nünü I mükheahlah; nünü I ngülah tüsho I rükakia kheahchoh, I lümkhi nü kilim lah. Namfimihnu nangde alaksahpü arübo züngkhitang, tüsho alaksahpü nimung thsungkheaknü bemuwuhang.

JEREMIA 25:34

Tüzhoang, nüsa mihnu neakrübo, tüsho zhiang; awahbo ching lungphülapang, nüsa mihnu boto atungrübo, tümüde nüsa laksahpü nimung arüdo, tüsho nüsa shoto phüh nangde ayokhia adannakbah.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 46:21

Anihbenü amulokhi bonungrübo she moshi nunubo nangde athsükhukpü müla; arübo she rholodo tüsho nungde tsodo, arübo müzhip; tümüde arü kheak arü thsümütsü nimung, arü thsümüchi kim akihdo.

JEREMIA 48:10

Shepünü Atungpuh rhimo ching sühdukchonü muthrumünean; tüsho shepünü thiyih bukpü chingnü nukshang tuklochonü muthrumünean.

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

JEREMIA 50:11

Nü asühachihchih she, nü asüharara she, O I yamrüplurüp yankhia lurübo, moshinü hi jungkhi nangde tüsho khoranü akhungkhi nangde,

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

JEREMIA 51:40

Inü arübo namfimihnunubo nangde, namfimihnupungbo tüsho mihnubo nangde alaksahpü bedakibah.

TÜZHOKHI 1:21

I ashearakhi arünü sodo, shenü I mushukheam. I riribo alalanü I küpkhuk sodo; nünü ha rhimokhinü arü asühchoh. Nünü alokhikhi nimung hande arang tüsho arü she I ruk lashang.

AMIKHEAKAKHIUKKHI 18:10

arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”

AMIKHEAKAKHIUKKHI 19:17

Judüki yunirü khülang ani ching zhipde inü ngü, tüsho thüning phulung phinde alakhi wuhnubo alala ki düsheak achangnü ji, “Arang, Thrünpuh thünio ato thsungkheak mukhungang,