JEREMIA 50:26 - AMÜSÜH HÜM CL Bible (BSI)

²⁶ Thrip aban chingnü anihbe azhihde arang; anihbe jakambo khimshuhang; hi wumujungkhi nangde anihbe mujungshang, tüsho shahde anihbe thsümünimang; anihbe yo tümü she daningshih.

JEREMIA 50:26 Iomraidhean Croise

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 14:23

Tüsho inü ju lungru lapung tüsho kepheanglo kamshihbah, tüsho inü athsümünimbe phütdungnü aphütbah, Wuto Atungpuhnü thachoh.

ISAIA 25:10

Tümüde Atungpuh khah ha wung kheak keambah. Moabrü ju arü lapung ching khih-shingkung ching müneang junakkhi nangde ajunakbah.

ISAIA 45:3

Inü amiting chingnü rahpungbo tüsho rama lakhi dangpungbo chingnü lakhitbo nü jihbah, junangde I Atungpuh de nünü mükheahbah, Israel Thrünpuh, shepünü nü mungnü jicho.

ISAIA 5:26

Apinü limshu ching larü trükshih jipü amütsan jihbah, tüsho alomi akheam ching larü mihtsürübo thsungkheak mütbah; ha ching arü arüchoh, athride, nahnahde!

JEREMIA 50:10

Kaldearü yankhia lubah; anihbe yankhia lurü alala reangkeambah, Atungpuhnü thachoh.

JEREMIA 50:13

Atungpuh bukakhiukkhinü Babilon ching she mülade zhikrangkhündo alabah; Babilon horü abannü müyinsahbah tüsho anihbe mübo alala thsungkheaknü ish thsübah.

JEREMIA 50:15

Thrip alala chingnü anihbe azhihde ahoang, “Anihbenü khah shuhkihabahdo; anihbe khimtanbo keamdo, anihbe chipibo thokheamdo.” Tümüde ha Atungpuh royimkhi lah: anihbe kheak royimang, anihbenü rhimokhi nangde anihbe ki rhimoang.

JEREMIA 50:23

Lomi athrünkhi yümlung küdükhüh lang adütre kamde thsümünima la! Trükshih bolung Babilon küdükhüh she yingyingbe khunga la!

JEREMIA 50:41

Kheahang, mihtsürü khülang dukulimnü arüchoh; trükshih ato tüsho kiulongthsürü ahihdo limshu lomi chingnü thurumusuchoh.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

JEREMIA 51:64

tüsho thaang, ‘ Hanangde inü anihbe kheak thsümütsü handarükhi dünkheak Babilon keamyukbah, masürülo.’ ” Ha khiungde Jeremia yubo lah.

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

MATHI 6:26

Thüning wuhnubo kheahang, arünü mümükhean yungsho müyimlu yungsho jakam ching mühanmukhungchoh; tütüshe yinmi ching nüsa Abuhnü arü akamchoh. Arü kheaknü nüsa alü adün lakhi yung de?

AMIKHEAKAKHIUKKHI 14:19

Jumonü yunirü junü api hirhüpbe khülim khülim hit tüsho alomi kurungasobo hanmukhung, tüsho Thrünpuh bukakhiukkhi kurungaso nitpung ato ching jipa yüzahshih;

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.