JEREMIA 50:24 - AMÜSÜH HÜM CL Bible (BSI)

²⁴ O Babilon, nünü nü thsungkheak azheang zo tüshe ju nünü mümükheahde nü phuhdo; nü a yimkhit tüsho tholo, tümütüsho nünü Atungpuh azhihdo.

JEREMIA 50:24 Iomraidhean Croise

JOB HU H T ANYU 15:25

Tümütüsho apinü Thrünpuh azhihde khah chungkihchoh, tüsho Wutobuh ki mütre,

JOB HU H T ANYU 40:2

Wutobuh azhihrünü api thsülangbea de? Shepünü Thrünpuh ki atsangachihchonü apinü aloshang!

JOB HU H T ANYU 40:9

Thrünpuh nangde nü bin la de, tüsho api nangde düsheaknü nünü tsüngmukpü kukla de?

JOB HU H T ANYU 9:4

Api lümlung süklah, tüsho sühmüh tolah. Shepünü Api azhihkhukde, tüsho akuk ngüde?

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

T H S AN GYU T H S AN GR ARÜ 9:12

Tümüde thsümütsü kim shenü mümüchitkhuk. Keang ching thüngüh phuhkhi nangde, tüsho qimürip ching wuhnu phuhkhi nangde, zukleangnü arü kheak keamchoh, thsümütsü kim ching mihtsürübo phuhchoh.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 45:9

Nüsa sherünü nü Thrünrü kheak shochihchonü are! Api ki anihbuh ju alo kheak phühkheambo lung phühkheam khülang ah. Alonü athsübuh ki thaba de, “ Nü tümü thsücho?” Yungsho “Api khahbo müla?”

JEREMIA 48:43

Atrebe alokhün, tüsho azheang nü müngüh lah, O Moab ching larübo! Atungpuhnü thachoh.

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

JEREMIA 51:57

Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.