JEREMIA 50:20 - AMÜSÜH HÜM CL Bible (BSI)

²⁰ Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

JEREMIA 50:20 Iomraidhean Croise

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 85:3

Nünü nü mulong zhipzhip alala lude tso; nünü nü bukmükekhi chingnü rholo.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 10:21

Jakob yamkhün aningkhi Wuto Thrünpuh kilim alodarübah.

ISAIA 33:24

Tüsho lomi ching larü shenü, “ I tukthsülah” de mütha; ju ching larü mihtsürübo arü mülimkhi neak bahjihbah.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

JEREMIA 33:8

Arübonü I azhihkhi amülim neak alala ching inü arü müsühkhitbah, tüsho arü mülimkhi neak tüsho I azhihkhi alala inü arü neak bahjihbah.

JEREMIA 44:14

junangde Juda aningkhi, Ijip lomi ching lapü arürü mutsokhi yungsho rhangdung müla yungsho Juda lomi ching malodarü. Arünü ju ching lapü yünede lümlüm she tsokhia larü khürü kheak hode, arü alode müyü.

JEREMIA 50:4

Atungpuhnü thachoh, ju nimung ching, ju kim ching, Israel mihtsürü tüsho Juda mihtsürü rukhüh arübah; arünü Atungpuh arü Thrünpuh yimde tripde arübah.

TÜZHOKHI 4:22

O Zion tsührübe, nü thsümüchi arün thsübah; apinü nü ramtso muruhshih. Tüshe, O Edom tsührübe, apinü nü thsümüchibah tüsho nü neak lahkhitbah.

EZEKIEL 18:22

Apinü alakmihkhi tümü she api azhihde mülümkhit. Tümütüsho apinü thiyuro-lungki rhimokhinü api alabah.

MIKA 7:19

Nünü isa kheak mihmuzholobah; nünü isa mülimkhibo müphü khüp thrümbah. Nünü isa neakbo alala keto asük ching bahjihbah.

ZEPHANIA 3:12

Tümüde inü nüsa bolung azhihayih tüsho akheamkhibe mihtsürü zojihbah. Arünü Atungpuh mung ching tsoyukpung yimbah–

ZEKARIA 3:9

Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

WÜHKHE 23:21

Jakob kheak apinü amülim mükheahkhit, yungsho Israel ching mihbukmuyuk müngü, Atungpuh arü Thrünpuh ju arü lung lah, tüsho api ju arü kiulongthsüpuh ah de azhikhi arü bolung lah.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

ROMRÜ KILIM PAULNÜ ATHRÜTKHI KIHÜM HUHTANYU 11:6

Tüshe ju amüthsüm hode a sho, kheaküa rhimo hode müla; jude yungsho amüthsüm ju atsütsü amüthsüm yungde alabah.

ROMRÜ KILIM PAULNÜ ATHRÜTKHI KIHÜM HUHTANYU 5:16

Tüsho akeang thsambah ju mihtsürü khülang neaknü adünjishihkhi nangde yung, tümüde khülangnü alakmihkhi mahkhapnü abahyukkhi hande arü, tüshe ahihdo lakmihkhi dunglim akeang thsambahnü alim mütsanjihkhi hande arüchoh.

ROMRÜ KILIM PAULNÜ ATHRÜTKHI KIHÜM HUHTANYU 6:13

Nü pang shihchambo ju mihbukmuyuk rhimopü neak kilim düjih, tüshe ashe chingnü arhang kamlokhi mihtsürü nangde tüsho nü pang shihchambo thiyurolungki rhimopü Thrünpuh kilim jihang.

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.