JEREMIA 50:2 - AMÜSÜH HÜM CL Bible (BSI)

² Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 50:2 Iomraidhean Croise

MUNGSHIKHÜN 64:9

Mihtsürü alalanü atrebah, tüsho Thrünpuh rhimo khipkhitbah; tümüde arünü api rhimo lümlung lade lümakheahbah.

MUNGSHIKHÜN 96:3

Trükshihbo lung api müretahkhi, mihtsürü alala bolung api amüyinsahbebo khipkhitang.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 13:2

Awung achang kheak riphin khülang shuhkihang, arü ki achangnü zhiang; mükheahmudurü ripit ching yüzahpü arü thsungkheak nü khah ayitang.

ISAIA 21:9

Kheahang, ju ching arü arüchoh, khoraberübo, khoraberü mahnene!” Tüsho apinü thalo, “Babilon lungdo, lungdo; tüsho anihbe sangthsü thrünpuhbo alala alo kheak keamthünaka yaplah.”

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

ISAIA 39:1

Ju kim ching Baladan tsührü Merodak-baladan Babilon kiulongthsüpuhnü kihümbo le thsambahbo mühahbah yunithsürübo Hezekia kilim yüshih, tümüde api tukthsübah angukhi apinü so.

ISAIA 46:1

Belnü khukningchoh, Nebonü mükhümchoh, arü sangthsübo shiwüh tüsho moshibo kheak lah; nüsanü ahankhibo ha akeakpü lakhi shiwühbo kheak hahmülang lah.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 48:6

Nünü sodo; kheakü ha alala kheahang tüsho nünü ha müleangkhiba de? Ha kimnü rünbah inü nü aso rhimobo, nünü mümükheahkhi rama lakhibo soshihbah.

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 4:16

Trükshihbo ki thaang, “Ha ching arü lah!” Jirusalem azhihde zhiyukang, “ Limshu lomi chingnü thiriri arüchoh; arünü Juda kiutobo azhihde ahochoh.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”

JEREMIA 50:46

Babilon keamkhi düsheaknü alomi ajanbah, tüsho anihbenü azhikhi düsheak trükshih bolung sobah.

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JEREMIA 51:31

Alihrü khülangnü püpürü shorupü tüsho yunithsürü khülangnü püpürü shorupü, api kiuto akheamnü akheam khiungde alukhi Babilon kiulongthsüpuh ki thapü alihchoh:

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

JEREMIA 51:47

Tsükjide inü Babilon mejakbo thsümüchipü kim arüchoh; anihbe lomi abümnü achih ngübah, tüsho alaksahkhi alala anihbe bolung labah.

JEREMIA 51:52

Jumonü inü anihbe sangthsübo thsümüchipü kim tsükjide arüchoh, tüsho anihbe lomi alala ching yurirünü ashearabah.

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

JEREMIA 52:31

Juda kiulongthsüpuh Jehoiakin ramtso ching lakhi kam samrükheak thünepü, khinu thürükheak mahne, nimung mukukheak phüngü nipü, Babilon kiulongthsüpuh Evil-merodaknü api kiulongthsü atankih kam, Juda kiulongthsüpuh Jehoiakin ki amuzho huh tüsho rihyam chingnü api bekhit;

JEREMIA 6:18

Jumonü aniang, O trükshihbo, tüsho O amukhungrübo, arü kheak tümü dünjipü lanü mükheahang.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

DANIEL 3:14

tüsho Nebukednezarnü arü ki tha, “Shadrak, Meshak tüsho Abednego, nüsanü I thrünpuhbo yungsho inü thsüa zhipshihkhi suna mejak mütankihkhi ju atsütsüa de?

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;