JEREMIA 50:19 - AMÜSÜH HÜM CL Bible (BSI)

¹⁹ Inü rimlopung ching Israel belodarübah tüsho Karmel kheak le Bashan ching yimtsühshihbah, tüsho Ephraim wungbo kheak Gilead ching apinü akünkhi reangkeambah.

JEREMIA 50:19 Iomraidhean Croise

EZRA 2:1

Kheakü harübo ha lomibo ching sherü Nebukednezar nü rama lubah Babilon ching tsokhea, arü Jirusalem tüsho Juda lim buh kiulonglong ching arülo.

KHÜNBOLUNGKHÜN 6:5

I kheaknü nü mükjibo anguhde tsoang, tümüde arünü I tahdochoh! Nü kuyü ju mihnu boto Gilead wungdüpheak kheak yükikhi ruk ah.

ISAIA 33:9

Alonü mitripchoh tüsho thsünüde lah; Lebanon achihdo tüsho yiuhabahchoh; Sharon ju loshelo nangde lah; tüsho Bashan le Karmel kheak sangyübo aniungkhichoh.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 30:18

Atungpuhnü ha thachoh: Inü Jakob khimyam kuhibo jihlopü thsüchoh, tüsho api lapung kheak mihmuzho labah; kiuto ju amujuk kheak thsülobah, tüsho alungki dangpung kheak kiulongthsürü-yam thsübah.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

JEREMIA 31:14

Tsühyungpü akebenü inü amükeamrübo bukthsüshihbah, tüsho I mihtsürübonü I muzhomopungkhi ching reangkeambah, Atungpuhnü thachoh.

JEREMIA 31:25

Keakzungrü inü reangkeamshihbah tüsho ayiuhyiuhrü phü yinde kamshihbah.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 32:37

kheahang, I bukakhiukde amüzütshihpungnü inü arü bemukhungbah; inü arübo ha dangpung ching belodarübah tüsho inü arü sühakhim ching lashihbah.

JEREMIA 46:27

Tüshe nü thsungkheaknü, dütre I yamlarü Jakob, tüsho mulong dünini O Israel; tümüde limshu chingnü inü nü tüsho ramde ayükhi lomi chingnü nü tsührü khümkhitbah. Jakob alodarübah tüsho mungtsü tüsho sühakhim labah, tüsho shenü api mütreshih.

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

EZEKIEL 11:17

Jumonü thaang: Wuto Atungpuhnü ha thachoh: Trükshihbo chingnü inü nüsa bemukhungbah tüsho nüsa hiumüzütkhi lomibo chingnü belodarübah, tüsho nüsa kilim inü Israel lomi jihlobah.

EZEKIEL 36:24

Inü nü trükshihbo chingnü alubah, tüsho lomibo alala chingnü bemukhungbah, tüsho nihbuh lo ching nü beyukbah.

EZEKIEL 36:33

Atungpuh Thrünpuhnü ha thachoh: Inü nü mülimkhibo alala chingnü nü müsühkhit nimung, inü kiutobo ching laloshihbah, tüsho athsümünimkhi dangpungbo thsülobah.

EZEKIEL 38:8

Nimung ahihkhüh dunglim nüsa mukhungbah; ashulim kambo ching nüsanü, ashangkhüh thsümünima lakhi, thirithsü kheamkhi lomi khülang, trükshih ahihdo chingnü mukhungde arüpung Israel müzüng azhihde ayübah; ha mihtsürübo trükshihbo chingnü bekhit tüsho kheakü arü alala akhümkhitkhi ching lah.

EZEKIEL 47:18

Aniakhiuklim ju Hauran tüsho Damaska dükeak labah; Gilead tüsho Israel lomi dükeak Jordan yeande alabah; aniakhiuklim keto tüsho Tamar khiungbah. Ha aniakhiuklim thrip labah.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEKARIA 10:10

Inü arü Ijip lomi chingnü thüyam lim bedarübah, tüsho arübo Asiria chingnü bemukhungbah; inü arübo Gilead lomi tüsho Lebanon ching, arü thsungkheak khiungshak mülayi khiungde bedarübah.

WÜHKHE 32:1

Kheakü Reuben tüsho Gad tsührübo akam-shiwüh hihdakde alakheah; tüsho küyimki arünü Jazer tüsho Gilead lomi ngükhea, ju lomi ju shiwüh akampü tsüde alakhea,

WÜHKHE 32:4

lomibo Atungpuhnü Israel boto müngüh kukkhi; ha shiwüh akampung lo ah, tüsho nü yamlarübo akam-shiwühbo lah.”

JIHUSUA 17:15

Jihusuanü alo, “Nüsa khide hihdaklasho tüsho Ephraim awung lominü mathsangsho, Periz tüsho Rephaim lo ching yübah nüsa lo thsüpü murung kimang.”