JEREMIA 50:18 - AMÜSÜH HÜM CL Bible (BSI)

¹⁸ Jumonü, Wuto Atungpuh , Israel Thrünpuhnü ha thachoh: Inü Asiria kiulongthsüpuh thsümüchikhi nangde Babilon kiulongthsüpuh tüsho api lomi thsümüchibah.

JEREMIA 50:18 Iomraidhean Croise

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 46:10

ju nimung ju Wuto Atungpuh T H RÜ NPU H royimkhi nimung, api riribo kheak royimkhi nimung. Reangmükeamyi khiungde nukshangnü amuyubah, kethürimüri khiungde thiyih yungbah. Tümüde Wuto Atungpuh Thrünpuhnü dukulim lomi ching Euphra ayung ki shuhmülanga jihpü shuhlah.

NAHUM 3:18

Nü yo namfimihnu neakrübo yapshea lah, O Asiria kiulongthsüpuh; nü yo mükheahmudurübo anechoh. Nü mihtsürübo abemukhungrü mülade müzüngbo kheak hiumüzüta lah.

NAHUM 3:7

Judüki nü ngürü alalanü nü kheaknü arholobah tüsho athabah, “ Nineve thsümünima lah; shepünü anihbe lümrhihba?” Nü shukheamrü inü küchingnü ayimba?

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

YUZÜNGTHALO 32:41

Küyimki inü I nukshang zhingzhingde azükhitba, tüsho I khahnü mahkhapkhi kheak ramloba; inü I riri kheak royimbah tüsho I thraneanrü kheak athrihlobah.