JEREMIA 50:17 - AMÜSÜH HÜM CL Bible (BSI)

¹⁷ Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 50:17 Iomraidhean Croise

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 24:1

Api nimungbo ching Nebukednezar Babilon kiulongthsüpuh atu; Jehoiakim kam mahsam api yamlarü kamabah; apinü rholo tüsho api azhih.

2 KIULONG THSÜRÜ 24:10

Ju kim ching Nebukednezar Babilon kiulongthsüpuh yamlarübo Jirusalem ching atu, tüsho kiuto yanabah.

2 KIULONG THSÜRÜ 25:1

Zedekia kiulongthsü kam tukupü ching, khinu thürü, nimung thürü nipü, Nebukednezar Babilon kiulongthsüpuh lung api bonungrü alala bebah Jirusalem azhihde arü. Apinü kiuto aleanglim bin tüsho ju mükamde ayanpung thsü.

2 KIUTHSÜYUKHEAN 28:20

Jumonü Asiria kiulongthsüpuh Tiglath-pilesernü api azhihde arü, tüsho arungpü müthri api junoabah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

ISAIA 15:9

Tümüde Dibon kebo thiyihnü milah; tütüshe Dibon kheak kheaküshe inü atsorü Moab thsungkheak, lomi ching aninga larü thsungkheak kekhüzü khülang handarübah.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JEREMIA 2:15

Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

JEREMIA 51:38

Kekhüzübo nangde arü rukhüh arungbah; arünü kekhüzü nunu nangde ahukbah.

JEREMIA 52:1

Zedekia kiulongthsüpü tankihchoki api kam 21 lakheah; apinü Jirusalem ching kam thürükheak khülang kiulongthsü. Abe mung ju Lebnarü Jeremia tsührübe Hamutal lakheah.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

DANIEL 6:24

Kiulongthsüpuhnü thiyukhüm jih, tüsho sherünü Daniel amülim jihkheanü bedarübah kekhüzübo yam ching jipyuk–arü, arü tsührü, tüsho arü niuberübo kekhüzübo yam abolim mukhiungyide kekhüzübonü arü kheak jukkih tüsho arü robo alala adütre kamde yihthünak.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.