JEREMIA 50:16 - AMÜSÜH HÜM CL Bible (BSI)

¹⁶ Babilon chingnü müjih-hiurü tüsho yimlu kim ching hirhüpbe dükheakshang; tümütüsho athsümünimbe nukshang trekhinü arü mihbüm aban nihbuh mihtsürü kilim rholobah, tüsho nihbuh lomi lim shande ayübah.

JEREMIA 50:16 Iomraidhean Croise

ISAIA 13:14

Shihyankhi shihmüchi nangde, yungsho akümrü mülakhi namfimihnu nangde, alala arü nihbuh mihtsürübo kilim rholobah, tüsho alala arü nihbuh lomi lim tsobah.

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

JEREMIA 46:16

Nüsa bonungrü jing mükhedo tüsho lungdo, tüsho khülangnü püpürü ki tha, “Arang, isanü isa mihtsürü tüsho isa zübe lomi lim, athsümünim nukshang bahbah yüloanü.”

JEREMIA 51:23

nü hode inü namfimihnu neakrü tüsho mihnu boto yümnakchoh; nü hode inü thulu-thsürü tüsho moshipungbo yümnakchoh; nü hode inü kovünorbo tüsho atorübo yümnakchoh.

JEREMIA 51:9

Isanü Babilon thsüngupü mürangdo, tüshe anihbe müthsüngukhuk. Anihbe bahyukang, tüsho isa mihbüm abannü isa nihbuh lomi lim yüanü; tümüde anihbe mahkhapkhi yinmi khiungdo tüsho thüningbo khiungde shuhkihdo.

JOEL 1:11

Mulong dükheakang, nüsa thulu thsürübo, tüzhoang, nüsa kurungasolu thsürübo, wheat hi tüsho barli hi dünkheak; tümüde thulu ching hibo thsümünima lah.

AMOS 5:16

Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah;