JEREMIA 50:14 - AMÜSÜH HÜM CL Bible (BSI)

¹⁴ Babilon mükamde nüsa sanglüh hünkihrü alala zhippung thsakhamang; anihbe kheak kipang, hühzobo daningshih, tümüde anihbenü Atungpuh azhihde neak yihbeakdo.

JEREMIA 50:14 Iomraidhean Croise

2 SAMUEL 10:9

Küyimki Joabnü api azhihde müngüh tüsho dunglim keochihmusukhi ngükhea, apinü atsüdak Israel mihtsürü mokhit tüsho Siriarü azhihde thürünga zhipshih;

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

ISAIA 13:4

Aniang, awungbo kheak alankhi boto ato khülang nangde! Aniang, kiulongthsübo arhunganimkhi, trükshihbo rukhüh shomukhungkhi! Wuto Atungpuhnü keochihpü thsungkheak bonungrü kitmukhungchoh.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

JEREMIA 46:9

Mikhuh yüang, O khorabo, tüsho yingyingde alihang, O khora-lolungbebo! Thirithsürübo mikhuh yüshang: Tsung shuhrü Ethiopia tüsho Put, sanglüh hünkihrü Ludim,

JEREMIA 49:14

Inü Atungpuh kilimnü thiyusheakbo sodo, tüsho trükshih bolung yunithsürü khülang yüshihdo: “ Nüsa rukhühnü mukhungang tüsho anihbe azhihde arang tüsho keochihpü wusuang!”

JEREMIA 49:35

Wuto Atungpuhnü ha thachoh: Inü Elam sanglüh, atsunglopung ato yihshakbah;

JEREMIA 50:11

Nü asühachihchih she, nü asüharara she, O I yamrüplurüp yankhia lurübo, moshinü hi jungkhi nangde tüsho khoranü akhungkhi nangde,

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

JEREMIA 50:42

Arünü sanglüh tüsho thsüh shuhlah, arübo bukmüke tüsho mihmüthsüm müla. Arü düsheak ju keto arungkhi nangde lah; arübo khorabo kheak binlah, keochihpü thirithsürü nangde duklanglah, nü azhihde, O tsührübe Babilon!

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

JEREMIA 50:9

Tümüde inü thurumusubah tüsho dukulim lomi chingnü trükshih boto ato Babilon azhihde handarüpü lah; tüsho arünü anihbe azhihde aduklangbah; arü hühzobo ju khah keangkeang malodarükhi ayeanzo thirithsürü hühzobo nangde lah.

JEREMIA 51:2

tüsho inü athrüprü Babilon ching yüshihbah, tüsho arünü anihbe thrüpbah. Küpkhuk nimung ching arünü anihbe azhihde thrip aban chingnü arüchoki anihbe lomi akeangkeang kamshihbah.

JEREMIA 51:27

Lomi ching riphin khülang shuhkihang, trükshih bolung hulipungpung mütang; anihbe azhihde thirithsüpü trükshihbo thsakhamang, anihbe azhihde kiulongthsübo, Ararat, Minni, tüsho Ashkenaz jimukhungang; anihbe azhihde limthorü mokhitang, tangkho boto nangde khorabo hande akhiukang.

JEREMIA 51:3

Hühzo kiprünü anihbuh sanglüh dühünshih, tüsho anihbuh thirithsü zülu düyihshih. Athrününgtsüng daningshih; bonungrü shahde dükheakshang.

HABAKKUK 2:17

Tümüde Lebanon kheak athsümünim rhimokhinü nü zhidobah; tümütüsho mihtsürü thiyih bukkhi tüsho alomi le kiutobo tüsho jurü ching larü alala ki athsümünim rhimokhi hode shiwühbo thsümünimkhinü nü trede akamshihbah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

1 SAMUEL 17:20

Davidnü yapsu mükikde asürübah namfimihnu ju aneakrü ki zojih, tüsho tsühyungbe lubah Jessenü thiyukhüm jihkhi nangde yü. Bonungrübo keochihpung ching ahode ayüchoki api ju binkheampung ching arü.