JEREMIA 50:12 - AMÜSÜH HÜM CL Bible (BSI)

¹² nü be lümchihyuk ngübah, tüsho nü zübebe mungchih ngübah. Kheahang, anihbe trükshih bolung akheambe labah, sunglo, akunglo, tüsho ke-mülakhi loshelo labah.

JEREMIA 50:12 Iomraidhean Croise

ISAIA 14:22

Inü arü azhihde wusubah, Wuto Atungpuhnü thachoh, tüsho Babilon chingnü mung tüsho aninga larü, tsührü tüsho tsühsoniusobo kheamshihbah.

ISAIA 23:13

Kaldearü lomi kheahang! Ha mihtsürü kheakü mükheyukde lah; ha Asiriarünü mütüm shiwühbo khilim akhukheah. Arünü ayanpü aheangpungbo thsüa zhipshih, arünü anihbe kiulongthsürü-yambo thokheam, arünü anihbe athsümünimkhi kamshih.

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 15:9

Alibe shepünü thüne zübekheanü sheabahdo. Animungnü anihbe ni yüzahbah; anihbe achih ngübah tüsho wüntre mülade alabah. Tüsho aningkhi inü arü riri miki nukshang kilim jihbah, Atungpuhnü thachoh.

JEREMIA 22:6

Tümüde Juda kiulongthsüpuh dünkheak Atungpuhnü ha thachoh: Nü a I ki Gilead nangde Lebanon wung nangde lah; tüshe nü sunglo, mihtsürü mülakhi kiuto kamshihpü inü thiyuchihchimchoh.

JEREMIA 25:12

Jushu kam nerü dunglim, Babilon kiulongthsüpuh, ju trükshih tüsho Kaldearü lomi arü mülimkhi dün alomi ju lünnü zhikrangkhündo akamshihbah, Atungpuhnü thachoh.

JEREMIA 25:26

dukulim kiulongthsürü alala, limshu tüsho aphüni, akhinashu thsüde, tüsho alomi kheak lakhi alomiküp kiulongthsübo alala. Tüsho arübo dunglim Babilon kiulongthsüpuhnü ayungbah.

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

JEREMIA 51:43

Anihbe kiutobo zhikrangkhündo, akung lomi, tüsho loshelo, she mülakhi lomi, tüsho mihtsürünü muhokhi kamdo.

JEREMIA 51:47

Tsükjide inü Babilon mejakbo thsümüchipü kim arüchoh; anihbe lomi abümnü achih ngübah, tüsho alaksahkhi alala anihbe bolung labah.

GALATIA 4:26

Tüshe Jirusalem akube zuzu lah, tüsho alibe ju isa abe ah.

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”