JEREMIA 5:7 - AMÜSÜH HÜM CL Bible (BSI)

⁷ Küde thsah inü nü neak bahjihpü? Nü tsührübonü I bahyukdo, tüsho akeang thrünpuhbo hode thiyuchihchim. Inü arü bukthsüde yimkip she, arünü müzammüram yihbeak tüsho müzammüramrü yambo ching shode tsah.

JEREMIA 5:7 Iomraidhean Croise

2 KIUTHSÜYUKHEAN 13:9

Nüsanü Aron tsühsoniusobo Atungpuh yo amükeamrübo tüsho Levirü yankhit tüsho püpü lomi mihtsürübo nangde nüsa thsungkheak amükeamrübo kamshihkhi yung de? Sherünü moshipung nunu 1 yungsho namfimihnupung 7 lubah amüsühkhitpü thsungkheak arükheanü thrünpuhbo yungkhi amükeamrü khülang kam.

JOB HU H T ANYU 31:12

Ha taka thsümünimshihbe mo khülang ah; I yimlukhi alala aniua lapü lakheah.

MUNGSHIKHÜN 50:18

Nünü ahührü ngüchoki api ki müyamrü thsüchoh; tüsho nünü müzammüramrü lung atruachihchoh.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 16:11

Judüki nünü arü ki thabah: ha tümütüsho nüsa jipürünü I bahyuk, Atungpuhnü thachoh, tüsho püpürü thrünpuhbo dunglim yübah tankih tüsho kingaün, tüsho I bahyuk tüsho I yakzan muzo;

JEREMIA 16:20

Mihtsürübonü küju thrünpuhbo yungnü arü thsungkheak thrünpuhbo thsakhamkhukba de?

JEREMIA 2:11

Trükshihnü jurübo thrünpuh yunga lalashe thrünpuhbo müthrikhea shi? Tüshe I mihtsürübonü alü mülakhi dün arü müretahkhi müthriabah.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

TÜZHOKHI 3:42

Isanü lakmünimdo tüsho azhihdo tüsho nünü neak mübahjih.

EZEKIEL 22:11

Khürünü nihbuh yamhingrü niube kheak athraneanbe yihbeakchoh, püpürünü nihbuh tsühmeakrü thsümünimchoh, tüsho püpürünü nihbuh chiniurü thsümünimchoh.

HOSEA 11:8

Küde thsah inü nü dükhepü, Ephraim? Küde thsah inü nü bahyukpü O Israel? Küde thsah inü nü Adma nangde kamshihpü? Küde thsah inü nü Zeboiim kheak nangde arhimopü? I mulong alunglim müthrido; nü thsungkheaknü I muzho todaklah.

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

HOSEA 7:4

Arü alala müzammüramrü ah; arü ju mokin lamlamkhi, yikhap damrünü anungchokinü akhap khiungde mo tsamukpü yihnüpü mülakhi nangde lah.

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

1 KORINT 8:4

Junangde sangthsübo ki kingaünkhi tsühyungbe tsühkhi ju, sangthsü khülang ju atsütsü rhangdung müla de isanü mükheahlah, tüsho Thrünpuh khülang lang lah.

GALATIA 4:8

Akhuhlim nüsanü Thrünpuh mümükheahchoki, nüsa ju thrünpuhbo yungde püpürü bukkhüp azhorü lakheah;

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

JAKOB 4:4

Mulong müzamrübo! Alomi lung müyamrü thsükhi ju Thrünpuh kilim thiriri ah de nüsanü mümükheah de? Jumonü shepünü alomi lung müyamrü thsüpü lümchonü api ju Thrünpuh riri kamchoh.

JIHUSUA 23:7

junangde nüsa lung larü mihtsürü bolung mütsah yungsho arü Thrünpuh mung jide thiyuchihchim müthsü yungsho arü mütankih yungsho arü miki mümükhüm,