JEREMIA 5:31 - AMÜSÜH HÜM CL Bible (BSI)

³¹ Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 5:31 Iomraidhean Croise

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

MÜCHITMUDU 17:4

Amütsü mihtsürünü amütsü lümkhibo anichoh, tüsho akeangyu tharünü akeangyu anichoh.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

ISAIA 43:27

Nüsa jipürü akhuhbuhnü neak yihbeak, tüsho nüsa limberünü I azhihde neak yihbeak,

ISAIA 47:7

Nünü tha, “ I lünnü kiulongthsüberü thsübah,” jumonü nünü harü mulong ching muzo yungsho akheampü mülümkhit.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 26:7

Amükeamrübo le wukihrübo tüsho mihtsürü alalanü Jeremianü harü thakhi yubo so.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

TÜZHOKHI 4:13

Ha anihbe wukihrü neakbo tüsho anihbe amükeamrü mülimkhibo, thiyuro-lungkirü thiyih bukshihkhi hode alakheah.

TÜZHOKHI 4:18

Arünü isa jingdükü aban phükih, junangde isanü kiudunglimrobo ching mütsahkhuk; isa akheam phünide kam; isa nimungbo kheabah; tümüde isa akheam arüdo.

EZEKIEL 13:10

Tümütüsho arünü I mihtsürü bephülapde mungtsü mülachoki, “Mungtsü” de thachoh, tüsho chipi niukniukde athsüchoki arünü ju amüyenü mujudo.

EZEKIEL 13:6

Arü michihbo arükchih tüsho arü müchitkhi akeangyu. Atungpuhnü arü müthiyide thachoh, “Atungpuhnü thachoh”; tüsho arü yu dünjipü arünü mükkin thsüchoh.

EZEKIEL 22:14

Inü nü keo nimung nü mulong tokhi laba de, yungsho nü khahbo sühmüh zahde alaba de? I Atungpuhnü asukdo, tüsho inü ju rhimobah.

HOSEA 4:9

Tüsho mihtsürübo nangde amükeamrübo she alabah; inü arü limrobo thsungkheak arü thsümüchibah, tüsho arü rhimobo dün jihlobah.

HOSEA 6:10

Israel yamkhün ching inü mihtrebe khülang ngüdo; Ephraim yüliyürakhi ju ching lah, Israel müneana lah.

HOSEA 9:5

Akhukhitkhi thünio nimung, tüsho Atungpuh thünio nimung nünü tümü rhimoba?

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

MIKA 2:6

“Düthsangyuthsangra” arünü hade thsangyuthsangrachoh– “ Khürünü hadürü thsangyuthsangra müthsübeah; mihmüthsüm mülakhinü isa müyanphuh.”

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

YUZÜNGTHALO 32:20

Tüsho apinü tha, Inü I miro arü kheaknü ramabahbah, arü kheak tümü dünjibanü inü akheahbah, tümüde arübo yihkhro tüsho müthülünkhi tsührübo lün lah.

YUZÜNGTHALO 32:29

Arü lümlung lakhülaa, arünü ha anikhitbah, arünü adünjipü lakhi mükheahbah!