JEREMIA 5:3 - AMÜSÜH HÜM CL Bible (BSI)

³ O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

JEREMIA 5:3 Iomraidhean Croise

THRÜNTAN 19:34

Ashidopü adüjibenü akheambe ki tha, “Yishih I buh lung I yapkheah; ikenü khihre she api yukhu yungshihanü, tüsho nü yübah api lung yapang, junangde ikenü ike abuh mung jimulopü lashihbah.”

1 KIULONG THSÜRÜ 13:33

Ha dünjishu she, Jeroboamnü api amütsü limro chingnü murholo, tüshe kheaküshe mihtsürü alala bolungnü achang dangpungbo thsungkheak amükeamrü thsüshih; sherünü amükeamrü kamnelanü apinü achang dangpungbo thsungkheak müsühkhit.

2 KIULONG THSÜRÜ 1:13

Kheaküshe kiulongthsüpuhnü asampü thünim yo wühkenorü lung api mihtsürü 50 yüshih. Junangde asampü thünim yo wühkenobuhnü wutu, tüsho arübah Elija miki khukning, tüsho api ki mushu, “O Thrünpuh mihtsürü, muzhobah I rhangdung tüsho harü nü yamlarübo 50 rhangdung ha nü miki shoto kamshang.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

2 KIUTHSÜYUKHEAN 28:22

Kiulongthsüpuh Ahaznü anihbuh lümthsünü ching lachoki Atungpuh kilim alübe thiyuro mülakhi kam.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

MUNGSHIKHÜN 51:8

I ki asühachih tüsho asühkhi soshang, junangde nünü ayihthünakkhi robo asühachihbah.

MUNGSHIKHÜN 55:20

Api ki mungtsü larü azhihde api khah chungkih; apinü nihbuh tangzüng thsümünim.

MÜCHITMUDU 21:29

Mihbukmuyuk mihtsürünü nihbuh miro müküpde kamchoh, tüshe alungkirünü a nihbuh limro lümakheahchoh.

MÜCHITMUDU 22:12

Atungpuh mükbonü mükheahmudu kheahde lachoh, tüshe apinü akin mülarü yubo bahjihchoh.

MÜCHITMUDU 23:35

Nünü athabah, “Arünü I shikdo tüshe I muyuri; arünü I lakdo tüshe inü ju mümütsan. Küyimki I asürüba? Inü ayungbe püpü yimbah.”

MÜCHITMUDU 27:22

Nünü makharü ju hi nangde ayihnü thsam ching chuchu she, anihbuh makhakhi api kheaknü müchamachih.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

ISAIA 48:4

Tümütüsho nü anihnih ah de inü mükheahlah, nü hung ju yinchi-süh ah tüsho nü kingkang ju khahrih-yinchi,

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 15:7

Inü arübo phürünü lomi chipiripitbo ching yüna bahdo; inü arü tüzhoshihdo, inü I mihtsürü thsümünimdo; arünü arü limrobo ching murholo.

JEREMIA 17:23

Tütüshe arünü mani yungsho arü nükhün mumupho; arünü arü hungbo chungthülang tüsho mani yungsho thsangdan müleangkhi.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JEREMIA 32:19

lümthiyan ching ato tüsho rhimo ching wuto; tümüde arü limro alala tüsho arü rhimokhi sangaso yande thsambah jihpü mihtsürü limro alala lim nü mükbo khimshuhlah.

JEREMIA 35:13

Wuto Atungpuh , Israel Thrünpuhnü ha thachoh: Yüang tüsho Juda mihtsürü le Jirusalem ching larü ki thaang, Nüsanü amütsan manikhitkhukba de tüsho I yubo maniba de? Atungpuhnü thachoh.

JEREMIA 44:10

Arünü azhihayihkhi yungsho atrekhi khihni khiungde muhuh, yungsho inü nüsa le nüsa jipürü miki zojihkhi I yakzan tüsho I yuzüngbo ching arünü mütsah.

JEREMIA 7:26

tütüshe arünü I ki mani yungsho manguh, tüshe arü hungbo chungthülangde la. Arünü arü jipürü kheaknü amütsübe rhimodo.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

EZEKIEL 2:4

Inü nü yüshihpung mihtsürü ju arhükrhük tüsho anihnih ah. Arü ki thaang, ‘ Wuto Atungpuh Thrünpuhnü ha thachoh.’

EZEKIEL 24:13

Tütüshe küyimki inü nü makhamaleak münean chingnü müsühkhea, amünean chingnü nü müsühde mükam; nü kheak I reangkeamde bukmakhiukyi khiungde nü müsühde mükamlo.

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

LEVI 26:23

Harü thsümüchishu nüsanü I kilim murholosho tüsho mutuklode I azhihsho,

AMOS 4:10

Inü Ijip kiphahde nüsa bolung arüm-tukthsü arüshih; inü nüsa athrününgtsüngbo nukshangnü laksah; inü nüsa khorabo hande tso; tüsho inü nüsa binkheampung shuhrhüm nüsa nupung khün ching wutushih; tütüshe nüsanü I kilim murholo, Atungpuhnü thachoh.

AMOS 4:11

Thrünpuhnü Sodom tüsho Gomorra lahyuka bahchoki nangde inü nüsa khürü lahyuka bah, tüsho nüsa ju mo takkhi chingnü adukkhitkhi mozhuh nangde alakheah; tütüshe nüsanü I kilim murholo, Atungpuhnü thachoh.

AMOS 4:6

Inü nüsa kiuto alala ching khümzung handarü, tütüshe nüsanü I kilim murholo, Atungpuhnü thachoh.

AMOS 4:8

jumonü kiuto mahne yungsho mahsamnü ke yungpü kiuto khülang ching yüla arüla thsü, tüsho reangmükeamde lakheah; tütüshe nüsanü I kilim murholo, Atungpuhnü thachoh.

AMOS 4:9

Inü sangrung-tukthsü tüsho mokrinü nüsa shik; inü nüsa wündo tüsho kurungasolubo thsümünimjih; tangkhonü nüsa khubasodung tüsho oliv sangdungbo tsühabah; tütüshe nüsanü I kilim murholo, Atungpuhnü thachoh.

ZEPHANIA 3:7

Inü tha, “Tsükjide kiutonü I trebah, hanü athsülangkhi lubah; inü arü ki thsangyukhi yumük küyimkishe mümih.” Tüshe arü rhimobo thsümünimpü arünü alü künde kam.

ROMRÜ KILIM PAULNÜ ATHRÜTKHI KIHÜM HUHTANYU 2:2

Thrünpuh mahkhap ju hadürü rhimorü kheak lungkide keamchoh de isanü mükheahlah.

IBRI 12:9

Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea?