JEREMIA 5:28 - AMÜSÜH HÜM CL Bible (BSI)

²⁸ arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

JEREMIA 5:28 Iomraidhean Croise

JOB HU H T ANYU 12:6

Ahührü khimyambo a thsü tsüde lah, tüsho sherünü arü khah ching arü thrünpuh shuhbah Thrünpuh bukakhiukshihkheanü mütrede lah.

MUNGSHIKHÜN 119:70

Harü mihtsürübo anikhitkhi müla, tüshe inü nü yakzan ching asühpü ngüchoh,

MUNGSHIKHÜN 72:4

Apinü zhochihrü mihtsürü kilim thiyuro hande arübah; apinü müthsümülarü khümkhitbah tüsho junorü zünakbah.

MUNGSHIKHÜN 73:12

Kheahang, harü ha mihbukmuyuk ah; kamruhroro zuzu thsüde lah, arü lakhitbo rünkihchoh.

MUNGSHIKHÜN 73:4

Tümüde arübo thsünükhi müla; tüshe arü sühmüh dükünglah.

MÜCHITMUDU 15:25

Atungpuhnü akükheangrü yam thsümünimbah, tüshe apinü khimoberü aredung zojihbah.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 2:33

Nünü nü müyamrü dunglim müshampü dükde mükheahlah! Amütsü liberü she nü kheahkhichoh.

JEREMIA 22:3

Atungpuhnü ha thachoh: Thiyuro tüsho thiyurolungkinü rhimoang, tüsho rükyuka larü ajunorü khah chingnü bekhitang. Tüsho amülim düthsü, yungsho khiungkerü, mürerü, tüsho khimoberü ki athsümünim düla, yungsho ha dangpung ching amülim mülarü thiyih dübuk.

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

ZEKARIA 7:10

khimoberü, mürerü, khiungkerü, yungsho zhochihrü düjuno; tüsho khülangnü khülang azhihde nüsa mulong ching amütsü lümkhi düthsü.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.