JEREMIA 5:22 - AMÜSÜH HÜM CL Bible (BSI)

²² Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

JEREMIA 5:22 Iomraidhean Croise

THRÜNTAN 1:9

Thrünpuhnü tha, “Thüningbo bukkhüp lakhi ke alala dangpungkhüh kingmukhungang tüsho alo akung akhiukang”; tüsho junangde kam.

1 KIULONG THSÜRÜ 13:28

Judüki api yü tüsho mi ju kekhüzü le donki ki limro ching bah-a ngü. Kekhüzünü mi ju mütsüh yungsho donki munguhsah.

JOB HU H T ANYU 26:10

Apinü ke mi kheak ayin tüsho amiting dükeak aredung khülang thsungkheak khitmükam khülang thsü.

JOB HU H T ANYU 37:24

Jumonü mihtsürübonü api trechoh; nihbuh zangrü lümlung lah de alümrü apinü mükheyuk.

JOB HU H T ANYU 38:8

Yungsho alomi nuyam chingnü jukphukde akhiukchoki shepünü keto khimdopü rihkhea?

MUNGSHIKHÜN 104:9

Arünü muhopü thsüde, arünü rholobah alomi müzhidopü thsüde nünü aredungbo zojih.

MUNGSHIKHÜN 119:120

Nü trekhinü I shih ajanchoh, tüsho inü nü mahkhapkhibo trelah.

MUNGSHIKHÜN 33:7

Apinü ketobo dangpung khülang bemukhung; apinü muliuke asükbo zowupung ching rihdoa zo.

MUNGSHIKHÜN 46:3

kebo arungrung she tüsho abükbük she, tüsho awungbo ahukkhinü niukniuk she.

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

MÜCHITMUDU 8:29

küyimki apinü keto kilim aredung thsüjihkhea, junangde kebonü api yukhüm mülakmihpü lakheah, küyimki apinü alomi khimtan thsükhea,

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 64:2

monü sangkhah aniuchoki nangde tüsho monü ke amapshihchoki nangde–nü azhihrü ki nü mung mükheahshihpü, junangde trükshihbonü nü miki ajanbah!

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

JEREMIA 10:7

Shenü nü mütrepü, O trükshihbo kiulongthsüpuh? Tümüde hoju nü khuh lah; trükshihbo lümlung larü alala bolung tüsho arü kiulongthsübo alala ching sheshe nü nangde müla.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 31:35

Atungpuhnü ha thachoh, Shepünü animung yinshihpü ani jihcho tüsho azhing ching yinshihpü khinu tüsho chining zojihla, shepünü keto rhucho, junangde arungde abükcho– Wuto Atungpuh ju api mung lah:

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

AMOS 4:12

Jumonü inü ha nü ki rhimobah, O Israel; tümütüsho inü nü ki ha rhimobah, nü Thrünpuh shorupü thsakhamang, O Israel!

AMOS 9:6

shepünü yinmi ching nihbuh akube khiungshakbo thsücho, tüsho alomi kheak khimtanbo thsücho; shepünü keto kebo jicho tüsho alomi kheak dungkhitcho– Atungpuh ju api mung lah.

JONA 1:16

Judüki mihtsürübonü alü Atungpuh trede kam, tüsho arünü Atungpuh kilim laksah-a kingaünkhi jih tüsho thiyuchihchimbo thsü.

NAHUM 1:4

Apinü keto thürühchoh tüsho ngahshihchoh, tüsho apinü ayungbo alala ngahshihchoh; Bashan tüsho Karmel mukuhabahchoh tüsho Lebanon pungkhi yiuhabahchoh.

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

MARK 4:39

Judüki api asürü tüsho apung ki thürüh, tüsho keto ki tha, “Keamloang, zhikde laang!” Apung ju kheamabah tüsho akhimahe ato lakheah.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”