JEREMIA 5:21 - AMÜSÜH HÜM CL Bible (BSI)

²¹ Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

JEREMIA 5:21 Iomraidhean Croise

MUNGSHIKHÜN 94:8

Anikhitang, nüsa mihtsürü bolung lümzülümdo mülarübo; tüsho nüsa mahkhaprübo, küyimki nüsa lümlung laba?

MÜCHITMUDU 17:16

Makharü khah ching sho lakhi tümü yihnüpü la, tümüde apinü lümlung ngüpü künde müla?

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 43:8

Müktukrü mihtsürübo bedarang, tütüshe sherü mükbo la, sherü nükhün peanga la, tütüshe nükhünbo kihla!

ISAIA 44:18

Arünü mümükheah, yungsho arünü manikhit; tümüde arü mükji tuka lah, junangde arünü müngükhuk, tüsho arü lümkhibo she ah, junangde arünü manikhit.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 5:20

Ha Jakob yamkhün ching thaang, Juda ching zhiyukjang:

JEREMIA 5:4

Judüki inü tha, “Harü lang zhochihrü ah, arübo lümduhlah; tümüde arünü Atungpuh limro, arü Thrünpuh yakzan mümükheah.

JEREMIA 6:10

She kheak inü asukba tüsho düh de athaba, junangde arünü asoba? Kheahang, arü nükhünbo müyeahshung, arünü manikhuk. Atungpuh yu ju arü ki münedung lah; arünü ju ching asühako müla.

JEREMIA 7:13

Tüsho kheakü, nüsanü harü alala rhimokhinü, Atungpuhnü thachoh, tüsho küyimki inü nüsa ki alochode asukkhea, nüsanü mani, tüsho küyimki inü nüsa jikhea, nüsanü malo,

JEREMIA 8:7

Thüning ching kewuhnunü she kim mükheahlah; tüsho müthrithrümpü, tsütsüpü tüsho kiurürütnü arü arüpü kim mükheahlah; tüshe I mihtsürübonü Atungpuh yuzüng mümükheah.

EZEKIEL 12:2

Mihtsürü tsührü, nü azhih mihtsürü bolung lachoh. Arübo angüpü mükbo lah tüshe müngü tüsho asopü nükhünbo lah tüshe muso, tümüde arübo azhih mihtsürü ah.

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

MARK 4:12

junangde ‘arünü kheahkheah she mükheahkhit, arünü anini she muso tüsho manikhit; jude yungkhülaa arünü arholobah tüsho neak bahjihbah!’ ”

MARK 8:18

Mükbo labah, nüsanü müngü de? Tüsho nükhünbo labah, nüsanü musocho de? Tüsho nüsanü mülümkhitcho de?

JOHAN 12:40

“Apinü arü mük tukshih tüsho arü mulong müküpshih, jude yungsho arü mükbonü angübah tüsho mulongnü anikhitbah, tüsho rholode arübah inü arü thsüngubah.”

YUNIRÜBO RHIMO 28:26

‘Ha mihtsürübo kilim yüang tüsho thaang, Nüsanü anibah tüshe küyimkishe manikhit, tüsho nüsanü akheahbah tüshe mükheahkhit.

ROMRÜ KILIM PAULNÜ ATHRÜTKHI KIHÜM HUHTANYU 1:20

Thrünpuhnü alomiküp thrünchokinü, amüngübebo, api akheam müla wu tüsho Thrünpuh yakli chido thrüna lakhibo chingnü mütsande ngü. Jumonü mihtsürübonü amudopü müla;

ROMRÜ KILIM PAULNÜ ATHRÜTKHI KIHÜM HUHTANYU 11:8

ha thrüta lah, “Thrünpuhnü arü lümkhi tüsho mulong zhazhaabahshih; khihni khiungde arünü müngükhuk yungsho muso.”

YUZÜNGTHALO 29:3

Atrebe arümbo, amüyinsahbebo tüsho khinthiyinbe atobo nüsa müknü ngüdo.

YUZÜNGTHALO 29:4

Tütüshe ha nimung khiungde, Atungpuhnü nüsa ki anikhitpü lüm, angüpü mük tüsho asopü nükhün müjih.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?