JEREMIA 5:2 - AMÜSÜH HÜM CL Bible (BSI)

² Arünü, “Atungpuh lale,” de thatha she, arünü amülim thiyuchihchimchoh.

JEREMIA 5:2 Iomraidhean Croise

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

HOSEA 10:4

Arünü yancho yubo thachoh; akeangkeang thiyuchihchimnü arünü tangzüngbo thsüchoh; jumonü thiyuro mülakhi ju thulu wochakkhi ching müzümrim nangde mukhuhchoh.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

1 TIMOTHI 1:10

müzammüram mihtsürü, yüliyürarü, bekhide-atsorü, akeangyu tharü, arükchih thiyumütsan thsürü tüsho kingaün-yakzan alungki azhihrü thsungkheak ah.

2 TIMOTHI 3:5

kingaün yakli shuhbah tüshe ju wu reanglokhi labah. Hadürü mihtsürü bahkhiang.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.