JEREMIA 5:19 - AMÜSÜH HÜM CL Bible (BSI)

¹⁹ Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”

JEREMIA 5:19 Iomraidhean Croise

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 16:13

Jumonü inü ha lomi chingnü nüsa yungsho nüsa jipürünü mümükheahkhi lomi ching jipkhita bahbah, tüsho ju ching nüsanü azhing tüsho ayin püpürü thrünpuhbo tankihbah, tümüde inü nüsa ki amuzho muhuh.

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:14

Israel azhorü a de? Api azhorü thsüpü zübekhea de? Dale küde thsah api ririnü lakshihcho?

JEREMIA 2:35

nünü thachoh, “ I amülim müla; tsükjide api bukakhiukkhi I kheaknü rholode tsodo.” Kheakü inü, “ Inü neak müyihbeak” de athamonü nü kilim mahkhap handarüchoh.

JEREMIA 5:18

Atungpuhnü thachoh, ju nimungbo ching she, inü shahde mükheamshih.

JEREMIA 5:20

Ha Jakob yamkhün ching thaang, Juda ching zhiyukjang:

JEREMIA 9:12

Ha anikhitpü shepü lümlung khiukde la? Apinü akhipkhitshihpü thsüde shepü ki Atungpuh münnü asukkhea? Shenü mütsahhopü thsüde, sunglo nangde tümüde alomi thsümünima yapla?

JEREMIA 9:13

Tüsho Atungpuhnü thachoh: Tümütüsho arünü arü miki zojihkhi I yakzan bahyukdo, tüsho I yu mani, yungsho ju yande mütsah,

TÜZHOKHI 5:8

Azhorübonü isa kurungkheak yakzan shuhchoh, arü khah chingnü isa bekhitpü she müla.