JEREMIA 5:18 - AMÜSÜH HÜM CL Bible (BSI)

¹⁸ Atungpuhnü thachoh, ju nimungbo ching she, inü shahde mükheamshih.

JEREMIA 5:18 Iomraidhean Croise

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

JEREMIA 5:19

Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”

EZEKIEL 11:13

Kheakü inü müchitchoki Benaia tsührü Pelatia sheabah. Judüki inü miro mükhüm tüsho düsheak achangnü trip, “Ah, Wuto Atungpuh ! Israel aningkhi nünü shahde dükheakshihba de?”

EZEKIEL 20:17

Tütüshe inü arü ki muzhode kheah tüsho arü müdükheakshih yungsho sunglo ching arü mükheamshih.

EZEKIEL 9:8

Küyimki arünü laksahde alakhea tüsho I langzü lakhea, I miro mükhümbah zhi, “Ah, Wuto A TU N GPU H ! Jirusalem kheak nü bukakhiuk dungkihkhi ching Israel aningkhi abümnü nünü alaksahkhamba de?”

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.