JEREMIA 5:17 - AMÜSÜH HÜM CL Bible (BSI)

¹⁷ Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

JEREMIA 5:17 Iomraidhean Croise

ISAIA 62:8

Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

ISAIA 62:9

tüshe sherünü yimlubanü ju tsühbah tüsho Atungpuh mung shibah, tüsho sherünü hanmukhungbanü I yo amüsüh yam ching ju yungbah.

ISAIA 65:22

Arünü thüyambo thsübah püpürü mülashih; arünü yangbah püpürü mütsühshih; tümüde sangdung nimungbo nangde I mihtsürübo nimungbo labah, tüsho inü amokhitkhibonü arü khah rhimo ching ruhde asühachihbah.

JEREMIA 1:15

Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 25:37

tüsho mungtsü lomibo thsümünimdo, tümütüsho Atungpuh buk müshakde akhiukkhinü ah.

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 5:18

Atungpuhnü thachoh, ju nimungbo ching she, inü shahde mükheamshih.

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 50:7

Arü ngürü alalanü arü tsühabahdo, tüsho arü riribonü tha, “ Isa amülim müla, tümütüsho arünü thiyuro rimlopung, Atungpuh , arü jipürü mulonglam Atungpuh azhihde neak yihbeakdo.”

JEREMIA 8:13

Atungpuhnü thachoh, inü arü bemukhungpü lümchoki, kurungasoliu kheak kurungaso müla, yungsho khubasodung kheak khubaso müla; ayübo she yiuh-a lah, tüsho inü tümü arü ki jihkheanü arü kheaknü luakhindo.

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

TÜZHOKHI 2:12

Arübo yurirü nangde kiuto kiudunglimrobo ching sheshide, arü berü khüh kheak arübo keaksah-a lachoki, arünü arü berübo ki zhichoh, “ Yikhap tüsho yukhu küching la?”

TÜZHOKHI 2:2

Atungpuhnü mihmüthsüm mülade Jakob lapungbo alala muyuabah; api bukakhiukkhi ching apinü Juda tsührübe chipibo lukkheamjih; apinü kiulongthsü tüsho yakzanshuhrübo wüntre mülakhi ching alo lim thokhi.

EZEKIEL 36:4

jumonü, O Israel müzüngbo, Atungpuh T H RÜ NPU H yu soang: Atungpuh Thrünpuhnü aninga lakhi mühirü trükshih alala ki yankhia lukhi tüsho keangrümüne kukruk khülang kamkhi Israel müzüngbo, awungbo, ayungbo, jindükhün, azhik tüsho abahkhi le abahkhitkhi kiutobo ki ha thachoh;

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

HOSEA 8:14

Israelnü api Thrünrü mihdo, tüsho kiulongthsürü-yambo thsüa lah; tüsho Judanü kiuto ahihdo chipi ayündo; tüshe inü arü kiutobo kheak mo thsahkihbah, tüsho hanü api chipibo takabahbah.

JOEL 2:3

Arü müngüh mo takchoh tüsho arü dunglim motru aniuchoh. Arü müngüh alo ju Eden shahwün nangde lah, tüshe arü dunglim a athsümünim sunglo nangde lah, tüsho tümü she arü kheaknü mutsokhi.

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

ZEPHANIA 3:6

Inü trükshihbo phüta bahdo; arü chipibo athsümünim ching lah; inü arü kiudunglimrobo thsümünima lashihlah, junangde shenü jurü ching mütsahho; arü kiutobo ching mihtsürü mülade zhikabahshihdo.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.