JEREMIA 5:15 - AMÜSÜH HÜM CL Bible (BSI)

¹⁵ Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

JEREMIA 5:15 Iomraidhean Croise

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

MUNGSHIKHÜN 81:5

Ha apinü Ijip azhihde wukhiukchoki, Josep thsungkheak yakzan khülang thsü, küpü ching isanü mümükheahkhi yutha isanü so.

ISAIA 28:11

Tsükjide, mulo duhduhrü tüsho khiungkerü yuthanü apinü ha mihtsürübo ki asukbah,

ISAIA 29:3

Inü nü azhihde alala mükamde abinkhambah; inü aheangsadam thsüde nü yanbah tüsho nü azhihde ayanpü rhimobah.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

ISAIA 33:19

Nünü kheaküa mulong zhipzhip mihtsürü, mümütsanmükhi yu tharü mihtsürü, manikhitkhukpü lakhi aduhduh yu thakhibo müngü.

ISAIA 39:3

Judüki wukihbuh Isaianü kiulongthsüpuh Hezekia kilim arü tüsho api ki tha, “Harü mihtsürübonü tümü thakhea? Arübo küchingnü nü kilim arükhea?” Hezekianü alo, “Arübo limshu lomi Babilon chingnü I kilim arükheah.”

ISAIA 5:26

Apinü limshu ching larü trükshih jipü amütsan jihbah, tüsho alomi akheam ching larü mihtsürübo thsungkheak mütbah; ha ching arü arüchoh, athride, nahnahde!

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

JEREMIA 1:15

Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 2:26

Ahührü tholochoki achih ngükhi nangde, Israel yamkhün achih ngübah–arübo, arü kiulongthsürübo, arü torübo, amükeamrübo, tüsho wukihrübo,

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 4:16

Trükshihbo ki thaang, “Ha ching arü lah!” Jirusalem azhihde zhiyukang, “ Limshu lomi chingnü thiriri arüchoh; arünü Juda kiutobo azhihde ahochoh.

JEREMIA 5:11

Tümüde Israel yamkhün tüsho Juda yamkhünnü I ki alala mülapyukdo, Atungpuhnü thachoh.

JEREMIA 6:22

Atungpuhnü ha thachoh: Kheahang, dukulim lomi chingnü mihtsürü arado, trükshih ato khülang limshu lakhi lomi ching thuruchoh.

JEREMIA 9:26

Ijip, Juda, Edom, Amon, Moab, tüsho limshu loshelo ching larü alala. Tümüde ha trükshih alala tsütamübah, tüsho Israel yamkhün alala mulong ching tsütamübah.

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

DANIEL 1:4

athrününgtsüng mihtsürü shihphü ching areak mülarü tüsho trungdung atsü, lümlung ching thsambah larü, mükheahmudu lakhi tüsho nahde anikhitrü, kiulongthsüpuh yam ching tankihpü athülün; arü ki Kaldearü yuthrüt tüsho yutha thsangyupü lakheah.

DANIEL 7:7

Jushu azhing ching inü michihbo ching shiwüh aphüyipü ngü, mihtrebe, atrebe tüsho khide amüküp lakheah. Ju yinchi hü ato lakheah tüsho adütre kamde tsühde alakheah, tüsho aningkhi ajingnü jung. Ha püpü shiwühbo kheaknü büthsü lakheah, tüsho ajuh thürü lakheah.

AMOS 6:14

Atsütsü, inü nüsa azhihde trükshih khülang bemusuchoh, O Israel, Atungpuh , Wuto Thrünpuhnü thachoh, tüsho arünü Lebo-hamath chingnü Araba ayung khiungde nüsa junobah.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

1 KORINT 14:21

Yakzan ching thrüta lah, “Jakso mihtsürü tüsho khiungkerü yuthabo chingnü inü ha mihtsürü ki thabah, tütüshe arünü I ki manide alabah, Atungpuhnü thachoh.”

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.