JEREMIA 5:11 - AMÜSÜH HÜM CL Bible (BSI)

¹¹ Tümüde Israel yamkhün tüsho Juda yamkhünnü I ki alala mülapyukdo, Atungpuhnü thachoh.

JEREMIA 5:11 Iomraidhean Croise

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

JEREMIA 12:1

O Atungpuh küyimki inü nü azhihde athabanü nü alim labah; tüshe thiyuro dünkheak inü nü ki keokhianü: Tümüde amütsürü limro müngühmühicho? Tümüde mihyu manirübo tsüshihcho?

JEREMIA 3:20

Tüshe akin mülakhi niuberünü ayamkhünbuh bahbah atsokhi nangde, nünü I ki akin mülade lado, O Israel yamkhün, Atungpuhnü thachoh.

JEREMIA 5:10

Anihbe kurungasolu ching wutuang tüsho thsümünimang, tüshe shahde dükheamshih; anihbe khahbo chia bahang, tümüde arübo Atungpuh yo yung.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

HOSEA 5:7

Arünü akin mülade Atungpuh ki rhimodo; tümüde arünü mihtsüzahkhi tsührübo zübedo. Jumonü kheakü arü le arü lobo nahde thsümünimbah.

HOSEA 6:7

Tüshe Adam ching arünü tangzüng lakmih; ju ching arünü akin mülade I ki rhimo.