JEREMIA 5:1 - AMÜSÜH HÜM CL Bible (BSI)

¹ Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

JEREMIA 5:1 Iomraidhean Croise

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

MUNGSHIKHÜN 12:1

Rungang, Atungpuh ; mihtsürü atsü müla; mihtsürü tsührü bolungnü mulonglam dükheakchoh.

MUNGSHIKHÜN 14:2

Khürünü lümlung lade rhimode Thrünpuh yimcho shi yungnü akheahpü, Atungpuhnü yinmi chingnü mihtsürübo kheak abinkhia kheahchoh.

MUNGSHIKHÜN 14:3

Arü alala tsophülapdo, arü alala rukhüh athsümünim lah; atsü rhimorü khülang she müla.

MUNGSHIKHÜN 94:16

Amütsü rhimorü azhihde I thsungkheak shepü asürüba? Amülim rhimorü azhihde I thsungkheak shepü zhipba?

MÜCHITMUDU 20:6

Mihtsürü ahihdonü nihbuh tsükhi thachoh, tüshe thiyuro mihtsürü shepünü ayimkhitkhukba?

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

MÜCHITMUDU 8:3

Alibenü kiuto lim yüzahkhi, chipiripitbo kheak, ayüzahpung kheak zhichoh:

KHÜNBOLUNGKHÜN 3:2

Inü kheakü wusubah tüsho kiuto kiudunglimro tüsho wungdophulung ching yübah; shepü I menü muzhochonü inü api yimbah. Inü api yimdo, tüshe api müngü.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

JEREMIA 2:29

Tümüde nünü I azhihde atsangcho? Nüsa alalanü I azhihdo, Atungpuhnü thachoh.

JEREMIA 44:15

Judüki arü niuberübonü püpürü thrünpuhbo kilim rhümthüneabe takchoh de mükheahrü, athrürü alala, tüsho amukhungrü ato miki zhiprü aliberübo alala, Ijip lomi Pathros ching larü mihtsürü alalanü Jeremia ki alo:

JEREMIA 8:6

Inü anguhlo tüsho ani, tüshe arünü thiyuro masuk; shenü she mihbukmuyuk chingnü mulong müthride, “ Inü tümü rhimokhea!” de mütha. Khora khülang thirithsü ching rande ayükhi nangde arü alala nihbuh limro ching rholodo.

JEREMIA 9:2

O loshelo ching I lapung lakhülaa inü I mihtsürübo bahjihbah tüsho arü kheaknü tsoabahbah! Tümüde arü alala müzammüramrü, mülapyukrü boto lah.

JEREMIA 9:7

Jumonü Wuto Atungpuhnü ha thachoh: Inü kheakü arü tsangkhitbah tüsho rükakibah, tümüde I mihtsürü neak dünkheak inü tümü thsükhukba?

EZEKIEL 22:30

Tüsho chipi thsülopü tüsho lomi thsung thsüde chipi keamkhi ching zhippü arü bolung inü khürü yim, junangde inü ju müthsümünim; tüshe inü sheshe müyimkhit.

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

JOEL 2:9

Arünü kiuto kheak jukchoh, arünü rhübo kheak alihchoh; arünü thüyambo kheak künkihchoh, arünü ahührü nangde ayinripit chingnü yüzahchoh.

AMOS 8:12

Arünü keto chingnü keto khiungde, tüsho dukulimnü aniakhiuklim khiungde arümbah; arünü yüla arüla de Atungpuh yu yimde ashanbah, tüshe arünü ju müngü.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

LUKNÜ ATHRÜTKHI THIYUSHEAK-ATSÜ HUHTANYU 14:21

Jumonü yamlarü junü arübah api putungrü ki harü yusheak jih. Judüki thüyam putungrünü bukakhiukde api yamlarü ki tha, ‘Kiuto yo kiudunglimrobo tüsho limrobo ching nahde yüang tüsho zhochihrü, mütsümüyangrü, jingkikrü tüsho müktukrü bede arang.’

2 TESALONIKA 2:10

tüsho adükheakpü larü thsungkheak rük amütsü alala labah, tümütüsho arünü thiyuro muzhobah akhümkhitpü lakhi reanglo.