JEREMIA 49:8 - AMÜSÜH HÜM CL Bible (BSI)

⁸ Dedan ching larübo, alihang, rholoang, lungkhünbo ching jikang! Inü Esau tsühsoniusobo thsümüchipü lah, tümütüsho inü arü thsümüchipü kim arüdo.

JEREMIA 49:8 Iomraidhean Croise

ISAIA 2:21

Atungpuh atrebe tüsho api wüntre-müretah chingnü tsokhide lungkhün atobo tüsho lunghü dükeak ching yüzahpü thsüde, alomi müzünpü api asürüchoki labah.

ISAIA 21:13

Loshelo dükhün dünkheak müchityu. Sangrung lakhi loshelo dükhün ching nüsa binkheambah, O Dedanrü hantsahrübo.

ISAIA 34:5

Yinmi ching I nukshang müsühbah, kheahang, ju Edom kheak inü mahkhappü akhukhi mihtsürü kheak akibah.

JEREMIA 25:23

Dedan, Tema, Buz, tüsho kuyü khihde ahütrü alala;

JEREMIA 46:21

Anihbenü amulokhi bonungrübo she moshi nunubo nangde athsükhukpü müla; arübo she rholodo tüsho nungde tsodo, arübo müzhip; tümüde arü kheak arü thsümütsü nimung, arü thsümüchi kim akihdo.

JEREMIA 48:28

O Moab ching larübo! Kiutobo bahang, tüsho lungto ching laang, lungku münküp kheak asap shukhi müthrithrümpü nangde thsang.

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

JEREMIA 48:6

Shanang! Nüsa khümkhitang! Loshelo ching mütüm khora nangde laang!

JEREMIA 49:30

Shanang, limshude tsoang, asük dangpungbo ching jikang, O Hazor ching larübo! Atungpuhnü thachoh. Tümüde Babilon kiulongthsüpuh Nebukednezarnü nü azhihde lümkhi thsüdo.

JEREMIA 49:32

Arü yo kemelbo tüsho moshibo yankhia luang. Limshu ching larübo apung ching hiumüzütshihbah, tüsho thrip aban chingnü arü azhihde inü thsümütsü handarübah, Atungpuhnü thachoh.

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

EZEKIEL 25:13

jumonü Atungpuh Thrünpuhnü ha thachoh, Inü Edom azhihde I khah chungkihbah, tüsho mihtsürü le shiwüh kheaknü lipkhia bahbah, tüsho inü ha thsümünimbah; Teman kiuto chingnü Dedan kiuto khiungde arübo nukshangnü akeambah.

MALAKI 1:3

tüshe inü Esau thranean; inü api müzüngbo lomi ju azhik tüsho api yamrüplurüp ju shirungbo thsungkheak loshelo kamshih.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

AMIKHEAKAKHIUKKHI 6:15

Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde,

MAHKHAPRÜ 6:2

Tüsho Midiarünü Israel kuk; tüsho Midiarü dünkheaknü Israel mihtsürünü arü jikpung awungbo, lungkhünbo tüsho chipibo ching thsü.

1 SAMUEL 13:6

Küyimki Israelrünü ju ngükhea, arübo lümthsünü ching lakheah (tümüde thirithsürübo ju müküpdakde alakheah), mihtsürübonü arü zangrü lungkhün, alokhün, lungtobo tüsho akukarukbo ching jikabah.