JEREMIA 49:7 - AMÜSÜH HÜM CL Bible (BSI)

⁷ Edom dünkheak Wuto Atungpuhnü ha thachoh: Teman ching kheaküa lümlung müla de? Lümlung larü kheaknü lümthiyan dükheaka la de? Arü lümlung dükheaka la de?

JEREMIA 49:7 Iomraidhean Croise

THRÜNTAN 25:30

Esaunü Jakob ki tha, “Muzhobah awo amürüm ju I kipang, tümüde I khümkeaka lah.” Jumonü api mung Edom de ajikheah.

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

THRÜNTAN 32:3

Judüki Jakobnü Edom lomi, Seir lo ching akhiung Esau kilim api müngüh yunithsürübo yüshih.

THRÜNTAN 36:11

Tüsho Eliphaz tsührübo Teman, Omar, Zepho, Gatam, tüsho Kenaz.

THRÜNTAN 36:15

Harü Esau tsührübo akubeatorübo ah. Esau tsührü adüjibuh Eliphaz tsührübo: Teman, Omar, Zepho, Kenaz,

THRÜNTAN 36:34

Jobab sheabah, tüsho Temanrü lomi chingnü Hushamnü api müthri kiulongthsü.

THRÜNTAN 36:8

Jumonü Esaunü (ju Edom) Seir awung lomi ching la.

1 KIUTHSÜYUKHEAN 1:53

Kenaz, Teman, Mibzar,

JOB HU H T ANYU 2:11

Kheakü küyimki api kheak harü küpkhukbo arükhi Job müyamrü mahsamnü asokhea, mihbüm abannü nihbuh yam chingnü tsahmusu– Temarü Eliphaz, Shuhairü Bildad, tüsho Naamarü Zophar. Arünü yübah api lung tüzhopü tüsho shukheampü shoruachih.

JOB HU H T ANYU 4:1

Judüki Temarü Eliphaznü alo:

MUNGSHIKHÜN 137:7

O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

ISAIA 21:11

Edom dünkheak müchityu. Khülangnü Seir chingnü I ki jichoh, “Aheangbuh, tsüngre künangde ahoba? Aheangbuh, tsüngre künangde ahoba?”

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 25:21

Edom, Moab, tüsho Amonrü;

JEREMIA 25:23

Dedan, Tema, Buz, tüsho kuyü khihde ahütrü alala;

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 49:20

Jumonü Atungpuhnü Edom, Teman ching larü azhihde lümkhi thsükhi aniang: Tsükjide mihnu aninibo yanyuka bahbah; arübo dünkheaknü apinü arü rimlopung shahde thsümünimbah.

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

TÜZHOKHI 4:21

Nüsa sherü Uz lomi ching lanü asühachihang tüsho asühang, O Edom tsührübe; tüshe nü kilim she pung arübah; nü amüshangbah tüsho nü bünkeang kambah.

EZEKIEL 32:29

Edom ju ching lah, kiulongthsürübo tüsho yakzanshuhrü alala, arü wu lalashe nukshangnü alaksahrü lung yaplah; arübo tsütamübahrü alokhün ching yüzahrü lung yaplah.

DANIEL 11:41

Apinü akheah atsü lomi ching yüzahbah, tüsho chithürü thürü laksahbah, tüshe Edom le Moab tüsho Amon limberübo api wu chingnü atsokhitbah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.

YUZÜNGTHALO 23:7

“Nünü Edomrü düthranean tümüde api nü keoniorü ah. Nünü Ijiprü düthranean, tümütüsho khülang ki nü arü lo ching khiungkerü lakheah.