JEREMIA 49:5 - AMÜSÜH HÜM CL Bible (BSI)

⁵ Nü yamhingrü alala chingnü inü nü kheak atrebe handarübah, Wuto Atungpuhnü thachoh, nüsa mihbüm aban yanmüzütbah, tüsho tsotsahrümtsahrübo shenü mübemukhung.

JEREMIA 49:5 Iomraidhean Croise

2 KIULONG THSÜRÜ 19:7

Inü me khülang api kheak yukjihbah, junangde apinü neamneamrurukhi sobah tüsho anihbuh lomi lim yülobah; anihbuh lomi ching inü api nukshangnü akeamshihbah.’ ”

JOB HU H T ANYU 15:21

Atrebe düsheakbo api nükhün ching lah; tsüde alachoki athsümünimrü api kheak arübah.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 16:3

“ Lümthiyan jihang, thiyuro lungki mülüjang; animuro nü me azhing nangde kamshang; yankhitatsahrü jikshang, tsotsahrü dümülapyuk;

JEREMIA 15:8

Arü khimoberübo keto loyi kheaknü hihdakde kamdo; animuro inü athunu mihtsürü berübo azhihde athsümünim handarübah; zukleangnü inü arü kheak thsünü tüsho atrebe handarübah.

JEREMIA 16:16

Kheakü inü thüngüh-ramrü ahihdo yüshihchoh, Atungpuhnü thachoh, tüsho arünü arübo rambah; tüsho ju dunglim inü shihjimrü ahihdo yüshihbah, tüsho arünü arübo awungbo tüsho awung mujukbo tüsho lunghübo chingnü ajimbah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 46:5

Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 49:29

Arü khimyambo tüsho arü mihnubo, zhindokhim tüsho arü kukruk alala luang; nüsa thsungkheaknü kemelbo luang, tüsho azhikhi khülang yükihbah: “Alala mükamde mihtrebe lah!”

JEREMIA 6:25

Thulu ching düyü, yungsho limro kheak dütsah; tümüde thiririnü nukshang shuhlah, athrip abande atrebe lah.”

TÜZHOKHI 4:15

Mihtsürübonü arü ki zhi, “Tsoabahang! Nüsa mümüsüh!” “Tsoabahang! Tsoabahang! Isa düqiu!” Küyimki arübo tsode tüsho rümde alakhea, trükshih bolung mihtsürübonü tha, “Arübo kheaküa ha ching mülakhuk.”

AMOS 4:3

Nüsa mihbüm aban rhü abitkhi chingnü mikhuhlim tsobah; tüsho nüsa Harmon lim yana yüshihbah, Atungpuhnü thachoh.

JIHUSUA 2:9

tüsho ane ki tha, “Atungpuhnü ha lo nüsa kilim jihdo de inü mükheahlah tüsho nüsa trekhi isa kheak akihdo, tüsho lomi athrünkhi chingnü nüsa trechoh.