JEREMIA 49:37 - AMÜSÜH HÜM CL Bible (BSI)

³⁷ Inü arü riribo miki Elam treshihbah, tüsho arü rhangdung yimrü miki inü arü kheak thsümütsü I bukakhiuk handarübah, Atungpuhnü thachoh. Arü mümuyu khiungde inü arü dunglim nukshang yüshihbah;

JEREMIA 49:37 Iomraidhean Croise

JEREMIA 30:24

Api lüm ching lümkhi mürhimoyiki tüsho mukukyiki Atungpuh buk mükede akhiukkhi mutuklo. Arübe nimungbo ching nüsanü ha anikhitbah.

JEREMIA 48:2

Moab shikhi kheaküa müla. Heshbon ching arünü anihbe azhihde amütsü lümkhi thsüdo: “Arang, isanü anihbe trükshih lakhi chingnü dükheakshihanü!” O Madmen kiuto, nü she zhikrangkhündo akambah; nukshangnü nü yande müshambah.

JEREMIA 48:39

Ha küde thsah yihrüpa la! Künangde arünü mulong rozhakcho! Künangde Moabnü achihde adüthsün rholokhea! Jumonü Moab a api yamhingrü alala ki münedung tüsho atrebe kamdo.

JEREMIA 49:22

Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 49:24

Damaska süh mülade kamdo, anihbe ashanpü rholodo, tüsho thsününü anihbe khiungdo; aliberü thsünüchoki nangde thsünü tüsho mulong rozhaknü anihbe tholoa lah.

JEREMIA 49:29

Arü khimyambo tüsho arü mihnubo, zhindokhim tüsho arü kukruk alala luang; nüsa thsungkheaknü kemelbo luang, tüsho azhikhi khülang yükihbah: “Alala mükamde mihtrebe lah!”

JEREMIA 49:38

tüsho inü Elam ching I kiulongthsü-binkiu zobah, tüsho arü kiulongthsürübo tüsho atorübo thsümünimbah, Atungpuhnü thachoh.

JEREMIA 49:5

Nü yamhingrü alala chingnü inü nü kheak atrebe handarübah, Wuto Atungpuhnü thachoh, nüsa mihbüm aban yanmüzütbah, tüsho tsotsahrümtsahrübo shenü mübemukhung.

JEREMIA 50:36

Müchitrü azhihde nukshang lah, junangde arübo makharü kambah! Anihbe thirithsürü azhihde nukshang lah, junangde arübo niuknimbah!

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

JEREMIA 9:15

Jumonü Wuto Atungpuh , Israel Thrünpuhnü ha thachoh: Inü ha mihtsürü akhüh sangrung kipbah tüsho müzüm ke duhbah.

JEREMIA 9:16

Inü arübo arü yungsho arü jipürübonü mümükheahkhi trükshih bolung müzütshihbah; tüsho inü arü muyuamübahyi khiungde, nukshang khülang arü dunglim yüshihbah.

EZEKIEL 12:14

Api mühide alarü atorübo tüsho api rithsürü alala apung ching müzütshihbah tüsho nukshang dukkhitbah inü arü müshambah.

EZEKIEL 32:23

Arü kiuyukbo ju alokhün asük ching lah tüsho anihbe kiuyuk mükamde bonungrü, rhangdung lapung lomi ching mihtrebe bushihrü alala nukshangnü laksah-a yapshihlah.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

EZEKIEL 5:2

Küyimki kiuto yankhi akheam thsübanü, kuyü shihchamkhüh monü kiuto alunglimnü takang. Shihchamkhüh lubah nü kiuto aleanglim mükamchoki nukshangnü kimshakang. Tüsho shihchamkhüh ju apung ching hiumüzütang, tüsho inü arübo nukshang thokhita shuhbah yande müshambah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.