JEREMIA 49:3 - AMÜSÜH HÜM CL Bible (BSI)

³ Mulong rozhakang, O Heshbon, tümüde Ai thsümünima yaplah! Zhiang, O Rabba tsührübebo! Shungliukhim rümkihang, tüzhoang tüsho yingyingde api yo amükeamrübo tüsho atorübo rukhühnü alihang, tümüde Molek ramtso ching yüpü lah.

JEREMIA 49:3 Iomraidhean Croise

2 SAMUEL 11:1

Mükheankim ching, kiulongthsüpuhnü thirithsü yüchoki, Davidnü Joab lung atorübo tüsho Israel alala bebah yüshih; arünü Amonrü kuk tüsho Rabba kiuto yanabah. Tüshe David a Jirusalem ching bin.

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 11:5

Tümüde Solomonnü Sidonrü aliberü thrünpuh Astar tüsho Amonrü athraneanbe thrünpuh Molek yan.

2 KIULONG THSÜRÜ 23:13

Kiulongthsüpuhnü Jirusalem aniakhiuklim lakhi achang dangpungbo Athsümünim Wung düjinglim lakhi, Israel kiulongthsüpuh Solomonnü Sidonrü athraneanbe Astar thsükhi, Moabrünü athraneanbe Kemosh thsungkheak, tüsho Amon mihtsürünü athraneanbe Milkom thsungkheak thsükhi thsümünim.

EZRA 2:28

Bethel le Ai mihtsürü 223,

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 14:31

Tüzhode tripang, O chipiripit; zhiang, O kiuto, atrekhinü niuang, O Filistia, nüsa alala! Tümüde dukulimnü mokhüh akichoh, tüsho ju mulong zahkhi yakkihrü bonungrü ah.

ISAIA 15:2

Dibon mihtsürübo arüngyam lim, achang dangpungbo ching atrippü wutudo; Nebo tüsho Medeba kurungkheak Moabnü tüzhochoh. Mihbüm aban ku hütdo, mükhühnam nipdo;

ISAIA 16:7

Jumonü Moab tripde tüzhoshang, mihbüm abannü Moab thsungkheak tripshang. Kir-heres ching yikhap-mukuhkhi lümkhitkhinü shahde lüm dükheakang.

ISAIA 23:1

Tair dünkheak müchityu. Mulong rozhakde zhiang, O Tarshish sangkungbo, tümüde nü thsümünimdo. Küyimki arü Saipra chingnü azahkheanü arünü ju mükheahdo.

ISAIA 23:6

Tarshish lim hode yüang–tüzhode tripang, O keyean larübo!

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

JEREMIA 48:2

Moab shikhi kheaküa müla. Heshbon ching arünü anihbe azhihde amütsü lümkhi thsüdo: “Arang, isanü anihbe trükshih lakhi chingnü dükheakshihanü!” O Madmen kiuto, nü she zhikrangkhündo akambah; nukshangnü nü yande müshambah.

JEREMIA 48:20

Moab achih ngüshihdo, tümüde ha thsümünimdo; tüzhoang tüsho tripang! Moab thsümünima yaplah de Arnon ayung yeande mükheahshang.

JEREMIA 48:37

Tümüde mihbüm aban ku hüta lah tüsho mükhühnam nipa lah; alala khahbo kheak atsütkhibo lah, tüsho chim kheak shungliukhim lah.

JEREMIA 48:7

Tümütüsho nünü nü sühmüh tüsho nü lakhitbo kheak kindo, nü she bede atsobah; nü thrünpuh Kemosh ramtso ching, api yo amükeamrübo tüsho yakzanshuhrübo bede dükde ayübah.

JEREMIA 49:1

Amonrü dünkheaknü Atungpuhnü ha thachoh: Israel tsührü müla de? Api münü müla de? Dale küde thsah Moleknü Gad mükühkhea tüsho api mihtsürü ju kiutobo ching lashihkhea?

JEREMIA 51:8

Zukleangnü Babilon lungabah tüsho ajan; anihbe thsungkheak tüzhoang! Anihbe thsünükhi thsungkheak moli luang; khükijua anihbe athsüngubah.

JEREMIA 6:26

O amuzhobe I mihtsürü, shungliukhim phuyuang, tüsho awah ching kolahang; tsührü khülang thsungkheak nangde khide khühde tüzhoang: tümüde athsümünimrü zukleangnü isa kheak arübah.

AMOS 1:15

judüki kiulongthsüpuh ju api le api torübo rukhühnü ramtso ching yübah, Atungpuhnü thachoh.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

JAKOB 5:1

Nüsa alarübo kheakü aniang, nüsa kheak thsümütsü arüpü lakhi dünkheak tripang tüsho tüzhoang.

JIHUSUA 7:2

Jihusuanü mihtsürü khürü aniakhiuklim Beth-aven phünide alakhi Ai lim Jirikho chingnü yüshihde tha, “Wutuang tüsho lomi züta kheahang.” Tüsho mihtsürübonü yübah Ai züta kheah.

JIHUSUA 8:1

Atungpuhnü Jihusua ki tha, “Nü yo bonungrü alala bebahle Ai lim wutuang. Dütre tüsho mulong dünini. Kheahang, inü Ai kiulongthsüpuh, api mihtsürü, kiuto tüsho alo nü kilim jihdo.

JIHUSUA 8:28

Jumonü Jihusuanü Ai ju takabahjih tüsho kamruhroro thsungkheaknü thsümünima mujungshih, ju khihni khiungde lah.