JEREMIA 49:22 - AMÜSÜH HÜM CL Bible (BSI)

²² Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 49:22 Iomraidhean Croise

MUNGSHIKHÜN 18:5

Ashe-lomi liubonü I hingdoa lah, ashebe qimürip I ki lah.

MÜCHITMUDU 30:19

Müleangnü thüning ching phinkhi, phurutonü lungto kheak chinkhi, sangkungnü keto mi kheak alimro yimkhitkhi, tüsho athrürü le aliberü muzhoachihkhi.

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 13:8

tüsho arübo trede akambah, thsünü tüsho thsümütsünü arü tholobah; arübo aliberü khülang zübepü thsünü ching lakhi nangde thsünükhi ching labah. Arünü khülangnü khülang kheak trede akheahbah; arü mirobo motru nangde alabah.

ISAIA 21:3

Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

ISAIA 26:17

Pang makeangkhi azoberü kim khiungchoki, anihbe thsünü ching chinphülapde akhungkhi nangde nü miki isa she alakheah O Atungpuh ;

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

JEREMIA 30:6

Kheakü keokhiang, tüsho kheahang, athrürünü tsührü zübekhukba de? Dale tümüde aliberü thsünüchoki nangde athrürü abannü chim kheak khah nimbah inü ngücho? Tümüde mihbüm abannü pheakmulukdo kama la?

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 49:24

Damaska süh mülade kamdo, anihbe ashanpü rholodo, tüsho thsününü anihbe khiungdo; aliberü thsünüchoki nangde thsünü tüsho mulong rozhaknü anihbe tholoa lah.

JEREMIA 50:36

Müchitrü azhihde nukshang lah, junangde arübo makharü kambah! Anihbe thirithsürü azhihde nukshang lah, junangde arübo niuknimbah!

JEREMIA 50:43

Babilon kiulongthsüpuhnü arü yusheak sodo, tüsho api khah keahkhia lah; thsününü api ramlodo, azoberü zübechoki thsünükhi nangde lah.

JEREMIA 6:24

“ Isanü arü yusheak sodo, isa khahbo keahkhia lah; thsünükhinü aliberü zübechoki thsünükhi nangde isa tholoa lah.

DANIEL 7:4

Akhuhbe ju kekhüzü nangde tüsho müleang ghidükeang kihbah alakheah. Jushu, inü kheahshe, aghibo ju dukkhi, tüsho alo kheaknü ju shuhkih tüsho mihtsürü nangde jing mahnenü zhip; tüsho ju kheak mihtsürü mulong jih-a lakheah.

HOSEA 8:1

Nü münküp kheak hulipungpung dünkihang! Müleang nangde Atungpuh yam kumung khülang lah, tümütüsho arünü I tangzüng thsümünimdo, tüsho I yakzan lakmihdo.

OBADIA 1:9

Nü rithsürübo ajanbah, O Teman, junangde Esau müzüng ching bonungrübo laksahbah.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.