JEREMIA 49:2 - AMÜSÜH HÜM CL Bible (BSI)

² Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

JEREMIA 49:2 Iomraidhean Croise

2 SAMUEL 11:1

Mükheankim ching, kiulongthsüpuhnü thirithsü yüchoki, Davidnü Joab lung atorübo tüsho Israel alala bebah yüshih; arünü Amonrü kuk tüsho Rabba kiuto yanabah. Tüshe David a Jirusalem ching bin.

MUNGSHIKHÜN 48:11

Nü mahkhapkhi dünkheaknü, Zion Müzüng asühachihshang, Juda tsührübebo asühshang.

MUNGSHIKHÜN 97:8

Zionnü sochoh tüsho asühchoh, tüsho nü mahkhapkhibo dünkheaknü Juda tsührübebo asühachihchoh, O Atungpuh .

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 17:1

Damaska dünkheak müchityu khülang. Kheahang, Damaska ju kiuto thsüpü arün thsübah, tüsho athsümünimkhi mujung kambah.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 49:1

Amonrü dünkheaknü Atungpuhnü ha thachoh: Israel tsührü müla de? Api münü müla de? Dale küde thsah Moleknü Gad mükühkhea tüsho api mihtsürü ju kiutobo ching lashihkhea?

EZEKIEL 21:20

Amonrü kiuto Rabba azhihde arüpü nukshang limro khülang amütsan tüsho püpü ju Juda tüsho chipi ayünkhi Jirusalem azhihde thsang.

EZEKIEL 21:25

O amüneankhi tüsho mihbukmuyuk Israel yakzanshuhrü, shepü nimung arüa la, shepü thsümüchi kim akheam khiunga la,

AMOS 1:14

Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

OBADIA 1:19

Negebnü Esau wungbo lubah tüsho Shephelanü Filistiarü lo lubah; arünü Ephraim tüsho Samaria lo lubah, tüsho Benjaminnü Gilead lubah.

WÜHKHE 10:9

Tüsho küyimki nüsa lo chingnü thiriri kheak keochihpü yübanü nüsanü hulipungpung niuknimde mütang, ju ruk Atungpuh nüsa Thrünpuh miki nüsa lümkhitbah tüsho nüsa riri khah chingnü nüsa khümkhitbah.

WÜHKHE 21:25

Jumonü Israelrünü harü kiutobo lukham, tüsho Israelrünü Amorrü kiutobo, Heshbon tüsho ju mühi alala ching la.

YUZÜNGTHALO 13:16

Tüsho nüsanü ayankhikhi kukrukbo limro phulung shuhmukhunga zoang, tüsho kiuto le ayankhikhi kukrukbo Atungpuh nüsa Thrünpuh thsungkheak monü takang; ju lünnü mujunga labah tüsho küyimkishe müthsülo.

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

JIHUSUA 17:11

Issakar tüsho Asher ching Manase yo ju Beth-shan tüsho ju kiulongbo, Ibleam tüsho ju kiulongbo, Dor ching larü tüsho ju kiulongbo, awung lomi mahsam–Endor ching larü tüsho ju kiulongbo, Taanak ching larü tüsho ju kiulongbo, tüsho Megiddo ching larü tüsho ju kiulongbo.

JIHUSUA 17:16

Arünü alo, “ Awung lominü isa musuhdah, tüsho adükhün ching larü Kananrü Beth-shan tüsho ju mühi kiulongbo le Jezreel jindükhün ane chido ching larübo yinchi lolungbe lah.”